كانادانىڭ البەرتا قالاسىنىڭ تۋماسى 2013-2017 جىلدار ارالىعىندا امەريكا حوككەي ليگاسىنىڭ (احل) بىرنەشە كلۋبتارىندا وينادى. 2017 جىلى «بارىستىڭ» جەيدەسىن كيدى. كوپ ۇزاماي قازاقستاننىڭ ازاماتتىعىن الىپ, ءبىزدىڭ ەلدىڭ ۇلتتىق قۇراماسى ساپىندا ونەر كورسەتە باستادى.
جانكەشتى ويىنى جانە اسقان شەبەرلىگىمەن كوزگە تۇسكەن داررەن جەرگىلىكتى جانكۇيەرلەرگە بىردەن ۇنادى. نەگىزگى مىندەتى قورعاۋشى بولعانىنا قاراماستان ول قارسىلاستار قاقپاسىنا ءجيى گول سوقتى. وتكەن ماۋسىمنىڭ قورىتىندىسى بويىنشا داررەن قحل-دىڭ سيمۆوليكالىق قۇراماسىنا ەنىپ قانا قويماي, چەمپيوناتتىڭ ەڭ ۇزدىك قورعاۋشى اتاعىن يەلەندى. جۋىردا عانا كانادالىق لەگيونەر «بارىسپەن» كەلسىمشارتىن جاڭارتتى.
قحل-دىڭ سيمۆوليكالىق قۇراماسىنا داررەن ديتستەن بولەك, قاقپاشى يۋحا مەتسولا («سالاۆات يۋلاەۆ»), قورعاۋشى نيكيتا نەستەروۆ (تسسكا), شابۋىلشىلار تەەمۋ حارتيكاينەن («سالاۆات يۋلاەۆ»), ميحايل گريگورەنكو (تسسكا) جانە يليا ميحەەۆ («اۆانگارد») ەنىپ وتىر.