ايماق باسشىسى, سونداي-اق «اق جايىق» تابيعي رەزەرۆاتىنىڭ جاعدايىنا دا نازار اۋداردى. قورىق اۋماعىندا تۋريزمدى دامىتۋ جانە قوسىمشا باقىلاۋ قوسىندارىن ورناتۋ ءتوڭىرەگىندە شارالار قولعا الىنادى. رەزەرۆاتتا سوڭعى جىلدارى دالا ءورتى جيىلەپ كەتتى. وسى ولقىلىقتىڭ ورنىن تولتىرۋ ماقساتىندا باقىلاۋ قوسىندارىن اشۋ جوسپارلانىپ وتىر. بۇل بالىق ساۋداسىنىڭ زاڭسىز اينالىمىن بولدىرماۋ ءۇشىن قاجەت. «شىعىندى كوپ تالاپ ەتپەيتىن وسى قۇرىلىم رەزەرۆات قىزمەتكەرلەرىنىڭ جۇمىستارىن جەڭىلدەتەدى, تيىمدىلىگىن ارتتىرادى. الىس قاشىقتىقتى دا قاداعالاۋعا ءمۇمكىندىك بەرەتىن ارنايى دروندار الۋ كەرەك, بىراق بۇل شارالار قورىقتاعى اڭ-قۇستارعا كەسىرىن كەلتىرمەۋى ءتيىس», دەپ اتاپ ءوتتى ن.نوعاەۆ.
«اق جايىق» تابيعي رەزەرۆاتىنىڭ باسشىسى نۇربولات كارىموۆ بىرنەشە تۋريستىك باعىت جاسالىپ جاتقانىنان حاباردار ەتتى. «قورىق اۋماعىندا ارنايى ءسۇرلەۋ جولدار سالدىق. تۋريستەر قىزمەتكەرلەرىمىزدىڭ كومەگىمەن سەرۋەندەپ, موتورلى قايىقتارمەن كاسپي تەڭىزىنە شىعا الادى. ارنايى بەلگىلەنگەن جەرلەردە سالماعى بەس كيلودان اسپايتىن بالىقتى قارماقپەن اۋلاۋعا رۇقسات ەتىلەدى. رەزەرۆاتتىڭ باي تابيعاتىنا شەتەلدىك تۋريستەردىڭ قىزىعۋشىلىعى جوعارى, قازىر ينفراقۇرىلىم جاعىن قاراستىرۋدامىز», دەيدى ن.كارىموۆ.
كەزىندە اتاعى الىسقا جەتكەن «اتىراۋ بالىق» زاۋىتىنىڭ ورنىندا قازىر قاڭىراعان بوس عيماراتتار عانا تۇر. يەسىز تسيستەرنالاردان توگىلگەن جانار-جاعار ماي توپىراقتى لاستاپ, قورشاعان ورتاعا زيانىن تيگىزۋدە. كەلەڭسىز جاعدايدى كورگەن وبلىس اكىمى تابيعاتقا كەلتىرىلگەن زالالدىڭ ەلەۋلى-ەلەۋسىز بولمايتىنىن ايتىپ, قاراماعىنداعىلارعا تاپسىرما بەردى. اتىراۋ قالاسىنىڭ اكىمى اليمۇحاممەد قۇتتۇمۇرات ۇلىنىڭ ايتۋىنشا, قازىر بالىق وڭدەۋ زاۋىتىنىڭ بالانستىق قۇنىن انىقتاۋ شارالارى ءجۇرىپ جاتىر. وسى جۇمىستار اياقتالعاننان كەيىن زاۋىتتىڭ ورنىنا جاڭا شاعىن اۋدان سالىنادى. اتىراۋ