«باسقارما تاراپىنان قولعا الىنعان شاراعا 100-گە جۋىق مەكەمەنىڭ وكىلدەرى, سونداي-اق قالامىزداعى اتا-انالار مەن جاسوسپىرىمدەر قاتىستى. بۇگىنگى فەستيۆالدىڭ ماقساتى - اتا-انالار مەن بالالارعا قاجەتتى قىزمەت تۇرلەرىن ءبىر ورتاعا توعىستىرىپ, بۇلدىرشىندەردىڭ جۇزىنە كۇلكى مەن جىلۋلىق سىيلاۋ, وتباسى جاراسىمىن قالىپتاستىرۋ. بۇل وتباسىلار ءۇشىن كەرەمەت مەرەكە اينالىپ, ءداستۇرلى جالعاسىن تاپسا دەگەن ويدامىن», دەدى ج. قالتاەۆ.
مەرەكە اياسىندا بالالار اراسىندا ءتۇرلى سپورتتىق ويىندار, اتا-انالار اراسىندا بايقاۋلار ۇيىمداستىرىلدى. قالاداعى بارلىق مەكەمەلەردەن وكىلدەر قاتىسىپ, تۇرعىن ءۇي, الەۋمەتتىك جارلەماقىلار, جۇمىسپەن قامتۋ ماسەلەلەرى بويىنشا كەڭەس الۋعا مۇمكىندىك الدى.
سونىمەن قاتار, شىمكەنت قالاسى دەنساۋلىق ساقتاۋ باسقارماسىنا قاراستى №1, №2 قالالىق ەمحاناسىنىڭ دارىگەرلەرى حالىققا تەگىن كەڭەس بەرىپ, قىزمەت كورسەتتى. ۆيزاج, شاشتاراز, تىرناق ارلەۋشىلەرى, قولونەر شەبەرلەرى جانە اسپازدار شەبەرلىك-ساباق وتكىزدى.
ەكى كۇنگە جالعاسقان ءىس-شارا بارىسىندا بەلسەندى قاتىسۋشىلار ماراپاتتالىپ, بالعىندارعا ويىنشىق, بالمۇزداق سەكىلدى ءتۇرلى سىيلىقتار تاراتىلدى.
بۇل رەتكى فەستيۆالدە جاس ۇرپاقتى ەلدىككە باۋلۋ ماقساتىندا «رۋحاني جاڭعىرۋ» باعدارلاماسى اياسىندا اتقارىلعان جۇمىستار تۋرالى جۇمىستار ۇسىنىلدى. اتالعان كەڭسەسىنىڭ شىمكەنت قالاسىنداعى جەتەكشىسى زاۋرە ورالباەۆا ەلباسى نۇرسۇلتان نازارباەۆ ايقىنداپ بەرگەن باعدارلاماعا سايكەس قولعا الىنعان جوبالارعا توقتالدى.
«شىمكەنت قالاسىندا «رۋحاني جاڭعىرۋ» باعدارلاماسى اياسىندا 581 ءىس-شارا وتكىزىلىپ, وعان 74 مىڭعا جۋىق ادام قامتىلعان. «تۋعان جەر» ارنايى جوباسىنىڭ «اتامەكەن» كىشى باعدارلاماسى شەڭبەرىندە دەمەۋشىلەر مەن مەتسەناتتار ەسەبىنەن قۇنى 1,6 ملرد تەڭگەنى قۇرايتىن 32 جوبا ۇيىمداستىرىلدى. وقۋشىلار مەن جاستار اراسىندا «ولكەتانۋ», «سانالى ازامات», «وتانىم تاعدىرىم» بازالىق باعىتتارى بويىنشا ءتۇرلى فورماتتاردا 138 ءىس-شارالار ۇيىمداستىرىلىپ وتكىزىلدى. ولكەنىڭ تاريحىن كەڭىنەن تانۋ مەن زەرتتەۋ ماقساتىندا قالاداعى 5, 6, 7 سىنىپتارعا ارنالعان «ولكەتانۋ» وقۋلىعى دايىندالىپ, 2018-2019 وقۋ جىلىنا ارنالعان مەكتەپ باعدارلاماسىنا ەنگىزىلدى», دەيدى ز.ورالباەۆا.