«نۇر-سۇلتان قالاسىنىڭ وڭتۇستىك–باتىس اينالما جولى» جاڭا اۆتوماگيسترالى ەلوردانى دامىتۋدىڭ باس جوسپارىندا قاراستىرىلعان ك-1 اينالما جولىنىڭ بولىگىنە اينالادى, ول ۇزىندىعى 87 شاقىرىم بولاتىن قالا ماڭىنداعى اينالما جولدى تۇيىقتايدى.
اينالىپ وتەتىن تراسسانىڭ جالپى ۇزىندىعى 3 كوپىر مەن 4 كولىك جوباسىن قوسا العاندا 34 شاقىرىمدى قۇرايدى. بۇل قالا ارقىلى ترانزيتپەن, ەلوردانى اينالىپ وتەتىن اۆتوكولىك قۇرالدارىنىڭ اعىنىن باعىتتاۋعا مۇمكىندىك بەرەدى, سونداي-اق, جۇك اۆتوكولىگىن قالا سىرتىنا شىعارادى, ەلورداداعى كولىك اعىنىن ازايتۋعا جول اشادى. اينالما تراسسالار بويىنشا قازىرگى اعىن 50%-عا وڭتۇستىك-باتىس اينالما جولىنا ءوتۋى مۇمكىن ەكەنى بولجانعان. جول بويىندا لوگيستيكالىق ورتالىقتار مەن جول بويى سەرۆيسىنىڭ نىساندارى سالىنادى.
«قازاۆتوجول» اق دەرەكتەرى بويىنشا, نىسان قۇرىلىسىندا 800-دەن استام ادام جۇمىس ىستەيدى, 500-گە جۋىق تەحنيكا تارتىلعان.
پرەمەر-مينيسترگە بارلىق جوسپارلانعان جۇمىستاردىڭ كەستەگە سايكەس جۇرگىزىلىپ جاتقانى جəنە بيىل اۆتوجولدىڭ بارلىق ۇزىندىعىندا قوزعالىس اشىلاتىنى باياندالدى. اسقار مامين مەردىگەر ۇيىمداردىڭ نازارىن اتقارىلىپ جاتقان جۇمىستاردىڭ مەرزىمى مەن ساپاسىن ساقتاۋ قاجەتتىگىنە اۋداردى.
ۇكىمەت باسشىسى اينالما جول ايرىعىنان نۇرسۇلتان نازارباەۆ حالىقارالىق əۋەجايىنا دەيىنگى ۋچاسكەدەگى قابانباي باتىر داڭعىلىن رەكونسترۋكتسيالاۋ جوسپارلارىمەن تانىستى. 6,4 شاقىرىم ۇزىندىعى بار اۆتوجولدىڭ اتالعان ۋچاسكەسىن التى جولاقتى ەتۋ كوزدەلگەن. جۇمىستار 2020 جىلى باستالادى, قازىرگى تاڭدا تەحنيكالىق-ەكونوميكالىق نەگىزدەمە جəنە جوبالىق-سمەتالىق قۇجاتتاما əزىرلەنۋدە.
بۇعان قوسا, جەڭىل رەلستى كولىك (LRT) جوباسىن سالۋ جۇمىستارى جۇرگىزىلىپ جاتىر. پرەمەر-مينيستر جاڭا كولىك جۇيەسىن ىسكە اسىرۋ بارىسىن تەكسەردى, ونى ىسكە قوسۋ 2020 جىلدىڭ ەكىنشى جارتىسىنا جوسپارلانعان.