«مەملەكەتتىك ءبىلىم بەرۋ مەكەمەلەرىندەگى ءبىلىم الۋشىلار مەن تاربيەلەنۋشىلەردىڭ جەكەلەگەن ساناتتارىنا قالا سىرتىنداعى جانە مەكتەپ جانىنداعى لاگەرلەردە دەمالۋى ءۇشىن قۇجاتتار قابىلداۋ جانە جولداما بەرۋ» مەملەكەتتىك كورسەتىلەتىن قىزمەت ستاندارتىنا سايكەس, ءتيىستى قۇجاتتاردى ەندى حقكو-نا تاپسىرادى, سوسىن بارىپ لاگەرلەرگە جولداما بەرىلەدى», دەيدى ا.تەكەباەۆا.
بالالاردىڭ جازعى دەمالىسىن وڭتايلى ۇيىمداستىرۋ ءۇشىن شىمكەنت قالالىق ءبىلىم باسقارماسى وڭىرىمىزدەگى تاۋلى ولكەدە ورنالاسقان «ارمان», «اقسۋ», «ۇشبۇلاق», «ەركە ماشات» لاگەرلەرىمەن ارنايى كەلىسىم-شارت جاساسقان. ساناۋلى كۇندەردەن سوڭ بالالار ساۋىقتىرۋ ورىندارىنا جولعا شىقپاق. ءتيىستى تەگىن جولدامالار جەتىم جانە الەۋمەتتىك جاعدايى تومەن وتباسىلارىنان شىققان, سونداي-اق, توتەنشە جاعدايلاردىڭ سالدارىنان شۇعىل جاردەمدى تالاپ ەتەتىن وتباسىلاردىڭ بالالارىنا بەرىلەدى.
بيىل جولداما بەرۋ نەمەسە قۇجات راسىمدەۋدە سىبايلاس جەمقورلىقتىڭ الدىن الۋ ءۇشىن سالالىق باسقارما تاراپىنان جاڭا جۇيە قولدانىسقا ەنگەن.
بۇل ءۇشىن اتا-انالار ارنايى نىسان بويىنشا ءوتىنىش, جەكە كۋالىك كوشىرمەسى, بالانىڭ تۋ تۋرالى كۋالىگىنىڭ كوشىرمەسى, مەديتسينالىق انىقتاما, مارتەبەسىن دالەلدەيتىن قۇجاتتىڭ كوشىرمەسىن وتكىزسە جەتكىلىكتى.