بۇل شاراعا باتىس قازاقستان وبلىسىنىڭ اۋداندارىنان جانە ورال قالاسىنان 8 ۇمىتكەر قاتىستى. بايقاۋ شارتى بويىنشا جاس مەملەكەتتىك قىزمەتشىلەر قازاق, ورىس جانە اعىلشىن تىلدەرىن جەتىك مەڭگەرۋ داعدىسىن سىنعا سالدى.
«ءتىل شەبەرى-2019» اتاۋىنان ۇمىتكەر جاس ماماندار «تۇساۋكەسەر» سىنىندا قازاقتىڭ ۇلتتىق كيىمىندە ونەر كورسەتىپ, بەرىلگەن تاقىرىپ مازمۇنىن قازاق تىلىندە تولىق اشۋعا تىرىسسا, «ونەرتانىم» كەزەڭىندە اعىلشىن تىلىندە ءان سالىپ, ولەڭ وقىپ, شاعىن قويىلىمدار كورسەتتى. ال «ۇلتتانىم» اتالعان قورىتىندى كەزەڭدە سۇراق-جاۋاپ ايدارىنا قاتىسىپ, بەلگىلى عالىمدار مەن قوعام قايراتكەرلەرى تاراپىنان قويىلعان سۇراقتارعا جاۋاپ بەردى.
سونىمەن, «ءتىل شەبەرى-2019» بايقاۋىنىڭ قورىتىندىسى بويىنشا جۇلدەلى 1-ورىندى اقجايىق اۋدانى چاپاەۆ اۋىلدىق وكرۋگى اكىمىنىڭ ورىنباسارى ەربولات مۇحتار ۇلى جەڭىپ الدى. ال 2-ورىن باتىس قازاقستان وبلىستىق مەملەكەتتىك ساتىپ الۋ باسقارماسىنىڭ باس مامانى بوتاگوز بولاتقىزىنا بۇيىردى. بايقاۋدىڭ ءۇشىنشى جۇلدەسىن قازتالوۆ اۋدانى اكىمى اپپاراتىنىڭ مامانى ەرلان نۇرلان ۇلى مەن سىرىم اۋدانىنداعى جىمپيتى اۋىلدىق وكرۋگى اكىمى اپپاراتىنىڭ مامانى اقمارجان تۇرلانقىزى يەلەنىپ, باعالى سىيلىقتارمەن ماراپاتتالدى.
سۋرەتتى تۇسىرگەن رافحات حالەلوۆ
باتىس قازاقستان