ەرتەڭ تاڭعى مەزگىلدە امەريكالىق وكسون حيلل قالاسىنداعى (مەريلەند شتاتى) MGM National Harbor ويىن-ساۋىق كەشەنىندە بوكس شوۋى بولادى. وعان جارتىلاي ورتا سالماقتاعى قازاقستاندىق دانيار ەلەۋسىنوۆ (6-0, 3 كو) قاتىسادى. بۇل تۋرالى Sports.kz حابارلادى.
التى راۋندقا ەسەپتەلگەن جەكپە-جەكتەگى ونىڭ قارسىلاسى - چيليلىك لۋيس نورامبۋەنا (3-1-1, 2 كو). ولار ايقاس الدىنداعى ءداستۇرلى سالماق ولشەۋ راسىمىنەن ءوتتى. ونىڭ قورىتىندىسى بويىنشا ەلەۋسىنوۆتىڭ سالماعى 150,2 فۋنت, ال نورامبۋەن ودان جەڭىلدەۋ -149,4 فۋنت بولدى.
جەكپە-جەك جەكسەنبى, 26 مامىر كۇنى تاڭەرتەڭ بولادى. بۇل كەزدەسۋ جايلى قازاقستاندىق جانكۇيەرلەر تىكەلەي ترانسلياتسيانى «حابار» تەلەارناسى ارقىلى كورە الادى. ول نۇر-سۇلتان ۋاقىتى بويىنشا 06:05-تە باستالادى.