وندا جەرگىلىكتى ماماندار شەتەلدىك مامانمەن دياگوستيكالاۋدىڭ زاماناۋي ادىستەرىن جاساۋدا تاجىريبە الماستى.
«ەمدەۋدىڭ ناتيجەلى بولۋى - دياگنوستيكانى دۇرىس قويۋعا بايلانىستى. ويتكەنى, اۋرۋدى ەرتە انىقتاعاندا ونىمەن كۇرەسۋ الدەقايدا وڭاي. تەحنيكا كۇن سايىن دامىپ جاتقاندىقتان, ماماندار جاڭا قۇرىلعىلارمەن جۇمىس جاساۋدى جىلدام مەڭگەرۋى ءتيىس. شىمكەنتتىك دارىگەرلەرمەن شەبەرلىك-ساباقتا جاڭا تەحنولوگيالارمەن جۇمىس ىستەۋدىڭ تىڭ ادىستەرىمەن بولىسەتىن بولامىن», دەدى ولگا تەرەشينا.
ورتالىقتىڭ باس دارىگەرىنىڭ ەمدەۋ ءىسى جونىندەگى ورىنباسارى گ. شەكەربەكوۆا وىردەگى مەديتسينالىق ۇيىمدار سوڭعى ۇلگىدەگى دياگنوستيكالىق قۇرىلعىلارمەن جابدىقتالعانىن جانە بىلىكتى مامانداردىڭ بار ەكەنىن جەتكىزدى.
«شىمكەنت قالاسىنداعى 5 ەمحانادا, قالالىق دياگنوستيكالىق ورتالىقتا جانە اۋدانداردا 26 ستاتسيونارلاردا جۇرەككە دياگنوستيكا جاسايتىن ۋدز قۇرىلعىلار ورناتىلعان. جۇرەكتى دياگنوستيكالاۋ جىلدان جىلعا جاڭارىپ وتىرعاندىقتان, مامانداردىڭ بىلىكتىلىگىن ارتىرىپ وتىرۋ قاجەت. ماماندار بۇرىن نۇر-سۇلتان, الماتى قالالارىندا ۇلتتىق ورتالىقتاردا بىلىكتىلىك ارتتىرسا, ەندى رەسەيلىك مامانداردى وزىمىزگە شاقىرتىپ وتىرمىز», دەدى گ.شەكەربەكوۆا.
جۋىردا ورتالىققا ەكسپەرت كلاسىنىڭ ۋلترادىبىستىق دياگنوستيكالىق قۇرىلعىسى جەتكىزىلمەك. گ.شەكەربەكوۆا بۇل قۇرىلعىنىڭ 3D, 4D رەجيمدە كورۋگە مۇمكىنشىلىك بەرەتىنىن ايتادى. تاجىريبە الماسۋ بارىسىندا جاقىندا ىسكە قوسىلاتىن زاماناۋي اپپاراتپەن جۇمىس ىستەۋ تاسىلدەرى دە ايتىلادى جانە ءوندىرۋشى «Philips» كومپانياسىنىڭ وكىلدەرى دە قاتىستى.