كومپانيا باسشىسى يلون ماسك Twitter-دە سپۋتنيكتەر توبىنىڭ ءساتتى ۇشىرىلعانىن جازىپ, سۋرەتىن جاريالادى. ونىڭ ايتۋىنشا, كومپانيا ۋاقىت وتە كەلە Starlink جەلىسىن 12 مىڭ اپپاراتقا دەيىن كەڭەيتۋدى جوسپارلاعان.
سپۋتنيكتەردىڭ ارقايسىسى 500 فۋنتتى قۇرايدى. ولار تەك كۇن باتارەياسىمەن جۇمىس ىستەيدى. Starlink جۇيەسى 800 جەرسەرىك ىسكە قوسىلعان كەزدە جۇمىس ىستەي باستايدى, ول ءۇشىن تاعى ون شاقتىسىن ىسكە قوسۋ قاجەت بولادى.
SpaceX – كوممۋنيكاتسيالىق سپۋتنيكتەردىڭ ۇلكەن جەلىسىن قۇرۋعا رۇقساتى بار جالعىز كومپانيا ەمەس. ولاردىڭ اراسىندا – سوڭعى ءۇش ايدا التى اپپاراتتى ىسكە قوسقان بريتاندىق OneWeb بار. Amazon كومپانياسىنىڭ دا عارىشتى يگەرۋگە قاتىستى جوسپارى بار: كومپانيا 3200 جەرسەرىكتى جەر ماڭىنداعى وربيتاعا ۇشىرۋدى كوزدەيتىن Project Kuiper جوباسىن ازىرلەۋدە.