- الماتى – بيزنەستىڭ, عىلىم مەن مادەنيەتتىڭ ورداسى. سايلاۋشىلاردىڭ ۇشتەن ءبىرى جاستار. سول سەبەپتى, وسى سالالارداعى توپتارمەن جۇمىس ىستەۋگە باسىمدىق بەرىلۋدە. جاستاردىڭ زاماناۋي ءبىلىم الۋىنا, جاتاقحانالار مەن تۇرعىن ۇيلەردىڭ سالىنۋىنا, جاڭادان جۇمىس ورىندارىنىڭ كوپتەپ اشىلۋىنا ەرەكشە نازار اۋدارارامىز, -دەدى راحمان الشانوۆ.
ونىڭ ايتۋى بويىنشا, ەلىمىزگە تانىمال ازاماتتاردان قۇرىلعان قوعامدىق شتابتىڭ 170 مۇشەسى, 1,5 مىڭداي سەنىمدى وكىلدەر مەن جاس بەلسەندىلەر ەكى اپتا ىشىندە ەڭبەك ۇجىمدارىندا 200-دەي ءىس-شارا ۇيىمداستىردى. وعان ءار سالانىڭ 40 مىڭداي وكىلدەرى قاتىستى.
قوعامدىق قابىلداۋ بولىمدەرىندە 500-گە جۋىق ازاماتتار قابىلداندى. قابىلداۋ بارىسىندا كانديداتتىڭ سايلاۋالدى تۇعىرناماسى تانىستىرىلىپ, ازاماتتار تاراپىنان ايتىلعان تىلەكتەر جيناقتالدى. بۇل شارا حالىقپەن كەرى بايلانىستى قامتاماسىز ەتەدى.
«ەسىكتەن ەسىككە» اكتسياسى اياسىندا شتاب مۇشەلەرى 30 مىڭداي وتباسىمەن كەزدەسىپ, ءتۇرلى سالاداعى ازاماتتاردىڭ ۇسىنىستارىن جيناقتادى. الماتىلىقتار تاراپىنان بەرىلگەن 16 مىڭداي ۇسىنىستىڭ كوپشىلىگى كانديداتتىڭ سايتىنا جولداندى.
قاسىم-جومارت توقاەۆتىڭ باستاماسىمەن ەلىمىزدە ءوتىپ جاتقان «BIRGE» جالپىۇلتتىق اكتسياسى كەڭىنەن قولداۋ تابۋدا. وسى اكتسيا اياسىندا 1 400 بەلسەندى تۇرعىندارمەن بەتپە-بەت جۇزدەسىپ, 20 مىڭنان اسا ۇگىتتىك پاراقشالار تاراتتى. ماگيسترالدى كوشەلەر بويىنا بيلبوردتار مەن 220 مىڭداي ۇگىت-ناسيحات ماتەريالدارى ورنالاستىرىلدى.
- 160 مىڭداي ۇگىت-ناسيحات ماتەريالدارىن تاراتقان ساتتەردە, الماتىلىقتار قاسىم-جومارت توقاەۆتى جاقسى تانيتىندارىن جانە قولدايتىندارىن ءبىلدىردى. الماتى قالالىق سايلاۋالدى شتابى كانديداتىمىز ۇسىنعان ساباقتاستىق, ادىلدىك جانە ورلەۋ قاعيدالارىن باسشىلىققا الا وتىرىپ, ءوز جۇمىسىن جالعاستىرا بەرەتىن بولادى. باستى ماقساتىمىز - كانديداتىمىزدىڭ الداعى سايلاۋدا تولىقتاي جەڭىسكە جەتۋىن قامتاماسىز ەتۋ, - دەپ قورىتىندىلادى ءسوزىن راحمان الشانوۆ.
ساپارباي پارمانقۇل,
«Egemen Qazaqstan»
الماتى