راپيد پەن بليتستەن وتكەن دودادا تورتكۇل دۇنيەنىڭ 16 ەڭ ۇزدىك ويىنشىسى عانا باق سىنادى. جارىسقا قاتىسۋشىلار اراسىندا ەڭ جاسى كۇللى قازاقستاندىقتاردىڭ ماقتانىشى جانسايا Əبدىمəلىك بولدى. الماتىلىق ارۋ بۇرىنعى əلەم چەمپيوندارىنىڭ ءبىرازىن ويسىراتا ۇتتى.
– مەنىڭ قارسىلاستارىمنىڭ اراسىندا بۇعان دەيىن əلەم چەمپيونى اتانعاندارى از بولعان جوق. سول سەبەپتى ءبىر سەكۋندقا دا بوساڭسىعان جوقپىن. راپيدتە 2017-2018 جىلدارداعى əلەم چەمپيونى تان ءچجۋنيدى, سول سەكىلدى ناني دزاگنيدزە, يرينا كرۋش جəنە لەي تينتسزى سىندى اتاقتى شاحماتشىلاردى ۇتتىم. بليتستە ماريا مۋزىچۋكتى 2:0 ەسەبىمەن ۇتىپ, وسىعان دەيىن كەتكەن ەسەمدى قايتاردىم. دəل سونداي ەسەپپەن حامپي كونەرۋدى دا جەڭدىم – دەيدى جانسايا.
وسى جارىستىڭ قورىتىندىسىنان كەيىن جانسايا Əبدىمəلىكتىڭ بليتستە جيعان ۇپايى 2414-گە دەيىن جەتتى. قازىرگى كەزدە ول ەلو رەيتينگى بويىنشا شاحماتتىڭ بارلىق تۇرىنەن 2400-دەن اسا ۇپاي جيعان ەلىمىزدەگى جالعىز شاحماتشى اتانىپ وتىر.
– جانسايا راپيد پەن بليتستەن وتكەن جارىستىڭ ناتيجەسى بويىنشا جەتىنشى ورىنعا تابان تىرەدى. قىتايدا ول تاماشا ويىن ورنەگىن كورسەتتى. نەبىر مىقتى ويىنشىلاردى ۇتقان قىزىمىز وسى ءتۋرنيردىڭ ءفاۆوريتى سانالعان جەرگىلىكتى ويىنشى لەي تينتسزىمەن تەڭ ءتۇستى. ال الەمنىڭ ەكس-چەمپيونى, اتاقتى الەكساندرا كوستەنيۋك جانسايادان جەڭىلگەننەن كەيىن قولدا تۇرعان التىننان ايىرىلدى, – دەيدى قازاقستان شاحمات فەدەراتسياسىنىڭ اتقارۋشى ديرەكتورى يرينا گريششەنكو.