سەنات توراعاسى داريعا نازارباەۆا امدجاد اتاللاحپەن كەزدەستى. بۇل تۋرالى پارلامەنت سەناتىنىڭ ءباسپاسوز قىزمەتى حابارلادى.
سەنات باسشىسىنىڭ «دوحا دەباتتارى» تەلەباعدارلاماسىنىڭ باسقارۋشى ديرەكتورى امدجاد اتاللاحپەن كەزدەسۋى بارىسىندا ءوزارا ءىس-قيمىلدىڭ كەلەشەگى زور جوبالارى, اتاپ ايتقاندا ەۋرازيالىق مەديا فورۋمنىڭ تەلەباعدارلامامەن ىنتىماقتاستىعى تالقىلاندى.
باعدارلامانىڭ ماقساتى – كوپجاقتى پىكىرسايىستار مەن ناقتى ءىس-قيمىلدار ارقىلى جاھاندىق پروبلەمالاردىڭ بىرلەسكەن شەشىمدەرىن ىزدەستىرۋ. بۇل ەۋرازيانىڭ جانە بۇكىل حالىقارالىق قوعامداستىقتىڭ گەوساياسي, ەكونوميكالىق, الەۋمەتتىك-مادەني دامۋىنىڭ نەگىزگى پروبلەمالارى بويىنشا ەركىن جانە اشىق پىكىرلەسۋ قالىپتاستىرۋعا باعىتتالعان ەامف ميسسياسىمەن ۇندەس كەلەدى.