- دارىندى جاس ەلىمىزدىڭ بولاشاعى, باعا جەتپەس قازىناسى,-دەدى №3 مەكتەپ ديرەكتورىنىڭ وقۋ-تاربيە ءىسى جونىندەگى ورىنباسارى ايگۇل سەمباەۆا,-مەكتەبىمىزدىڭ التىن قورى-وقۋ وزاتتارى. بيىلعى وقۋ جىلىن 121 وقۋ وزاتى اياقتاپ, ءوز بىلىمدەرىن, ۇستازدارىنىڭ بىلىكتىلىكتەرىن دالەلدەپ وتىر.
وقۋشىلاردىڭ عىلىمي-زەرتتەۋ, سپورت سالاسىنان جانە پاندىك وليمپيادادان دا جەتىستىككە جەتكەندىگىن وسى فەستيۆال بارىسىنان كورۋگە بولادى. رەسپۋبليكالىق, حالىقارالىق جوبالارعا قاتىسقاندار قاتارى تىپتەن كوپ.
جاقىندا وسى №3 مەكتەپتە بولعان قۇرمەتتى قوناق, قازاقستانداعى جاپونيانىڭ توتەنشە جانە وكىلەتتى ەلشىسى تاتسۋحيكو كاساي مىرزا باستاۋىش سىنىپ وقۋشىلارى جاساعان كورمەنى تاماشالاعان ەدى. وقۋشىلار وزدەرىنىڭ ۇستازدارىمەن بىرگە جاساعان قولونەر ەڭبەكتەرىن كورسەتتى. سولاردىڭ ءبىرى 3 «گ» سىنىبىنىڭ وقۋشىسى ادەليا ادىلەتقىزى مەن ۇستازى ءلاززات وسپانوۆا. تاتسۋحيكو كاساي مىرزا ادەليانىڭ ەڭبەگى باعالاپ, كىشكەنتاي قولىن قىسىپ, بولاشاعىنا زور تابىس تىلەدى. ۇستازى ءلاززات وسپانوۆانىڭ ايتۋىنشا, موزايكا جاساۋ, ءتۇرلى قولونەر بۇيىمدارىمەن اينالىسۋ ادەليانىڭ ساباقتان تىس اينالىساتىن سۇيىكتى ءىسى ەكەن. بۇگىنگى «دارىندىلار فەستۆيۆالىندە» كوزگە تۇسكەن تاعى ءبىر وقۋشى ادينا قۇسايىنوۆا «ۆەسەلىە نوتكي» مۋزىكالىق ءانسامبىلىنىڭ قۇرامىندا ونەر كورسەتىپ, كومپوزيتور تەمىرجان بازارباەۆ اتىنداعى ءى وبلىستىق فەستۆالدە 1-ءىنشى ورىن العانى جانە باسقا دا مۋزىكا سالاسىندا كورسەتكەن جەتىستىكتەرى ءۇشىن ماراپاتتالدى.
-شاكىرتتەرىمىزگە وقۋمەن قاتار تاربيە بەرۋ ارقىلى ادام بالاسىنىنىڭ بولاشاق تاعدىرى بەلگىلى بولاتىندىعى راس,-دەدى مەكتەپ ديرەكتورىنىڭ وقۋ ءىسى جونىندەگى ورىنباسارى الماگۇل قۇرماشەۆا,-ءبىزدىڭ باستاۋىش سىنىپتان ءبالانىڭ بىلىمدى بولىپ جوعارى سىنىپقا ءوتۋى بولاشاقتا مەملەكەتتىڭ تىرەگى, قامقورشىسى بولاتىندىعىن دالەلدەيدى. ءبىز ۇرپاق تاربيەسى بارلىق ۇلت ءۇشىن, حالىق ءۇشىن اسا ماڭىزدى دەپ ويلايمىز.
«دارىندىلار فەستيۆالىنە» قاتىسقان اتا-انالار دا, بالالار دا ريزا بولىپ قالدى. بارلىعى مەكتەپ ۇجىمىنا راحمەتتەرىن ايتىپ, كەلەر جىلى دا وسىنداي ونەردە, بىلىمدە, سپورتتا تابىسقا جەتكەن بالالاردى ماراپاتتاۋ ءداستۇرى جالعاسا بەرسە دەگەن يگى تىلەكتەرىن جەتكىزدى.
راۋشان نۇعمانبەكوۆا,
«ەgemen Qazaqstan»
سەمەي