بايقاۋدى وتكىزۋدىڭ ماقساتى – شىعارماشىلىققا بەيىم, ينتەللەكتۋالدىق دامۋ دەڭگەيى جوعارى, كاسىبي قىزمەتتە جوعارى ناتيجەلەرگە قول جەتكىزگەن تالانتتى پەداگوگتاردى انىقتاۋ.
ىرىكتەۋ كەزەڭدەرىنىڭ نەگىزىندە جاقسى ناتيجە كورسەتكەن سەگىز قاتىسۋشى «مەنىڭ پەداگوگيكالىق ۇستانىمىم» اتتى ءوزىن-ءوزى تانىستىرۋ سايىسىندا باق تالاستىردى.
بايقاۋ قورىتىندىسى بويىنشا قوعامدىق تاماقتانۋ جانە قىزمەت كورسەتۋ كوللەدجىنىڭ وقىتۋشىسى ساۋلەم قوجابەرگەنوۆا باس جۇلدەنى قانجىعاسىنا بايلادى. ءبىرىنشى ورىندى ەكونوميكا, تەحنولوگيا جانە تاماق ونىمدەرىن ستاندارتتاۋ كوللەدجىنىڭ وقىتۋشىسى گۇلدەن بايعابىلوۆا, ەكىنشى ورىندى - كولىك جانە كوممۋنيكاتسيا كوللەدجىنىڭ بۇرىنعى وقىتۋشىسى ەكاتەرينا تاراسوۆا الدى. ءۇشىنشى ورىن كوپسالالى كوللەدج وقىتۋشىسى انتونينا حيجينسكاياعا بۇيىردى.
سونىمەن قاتار, «زەرتتەۋشى پەداگوگ» اتالىمى بويىنشا تەحنولوگيالىق كوللەدجىنىڭ وقىتۋشىسى ۇلجان تەمىرتانوۆا, «جاڭاشىل پەداگوگ» اتىلىمىندا قۇرىلىس جانە تەحنيكالىق كوللەدجىنىڭ وقىتۋشىسى الماس ابدىرەيموۆ, «ادىسكەر پەداگوگ» اتالىمى بويىنشا پوليتەحنيكالىق كوللەدجدىڭ وقىتۋشىسى سامال مۋحاممەديا جانە «ەرۋديت پەداگوگ» اتالىمىندا تەحنيكالىق كوللەدجدىڭ وقىتۋشىسى اديات يمامباەۆ جەڭىمپاز اتاندى.
بايقاۋ جەڭىمپازدارى مەن جۇلدەگەرلەرى ءبىلىم باسقارماسىنىڭ ديپلومدارىمەن, ءبىلىم بەرۋدى جاڭعىرتۋ ورتالىعىنىڭ سەرتيفيكاتتارىمەن, پەداگوگتاردىڭ «ادىلەت» قالالىق كاسىپوداعىنان اقشالاي سىياقىمەن جانە سىيلىقتارمەن ماراپاتتالدى.