بالالاردىڭ قاتىسۋىمەن ورىن الاتىن جول-كولىك وقيعالارىنىڭ الدىن الۋدىڭ ءتيىمدى باعىتتارىنىڭ ءبىرى - ءاربىر مەكتەپتە «قوزعالىستىڭ جاس ينسپەكتورلارى» جاساقتارىنىڭ قۇرىلۋى جانە ولاردىڭ تۇراقتى تۇردە جۇمىسىن ۇيىمداستىرۋ بولىپ تابىلادى. ولاردىڭ نەگىزگى ماقساتتارى – بالالار مەن جاس وسپىرىمدەر اراسىندا جول قوزعالىس ەرەجەلەرىن ساقتاۋدى ناسيحاتتاۋ, جولداردا بالالار جاراقاتتانۋىنىڭ الدىن الۋ.
قازاقستان رەسپۋبليكاسىنىڭ ىشكى ىستەر مينيسترلىگىنىڭ نۇسقاۋىنا سايكەس 2019 جىلى ءساۋىر ايىنىڭ 21 كۇنى اقتاۋ قالاسى كولەمىندە مەكتەپارالىق 6-7 سىنىپتار وقۋشىلارى اراسىندا 19-ءشى قالالىق «جاس قوزعالىس جول ينسپەكتورلار» سلەتىنىڭ كەزەڭى وتكىزىلدى.
سايىسقا ءوز شەبەرلىگىن سىناۋعا قالاداعى № 1, 3, 9, 10, 13, 16, 17, 22, 23 ورتا مەكتەپتەرى قاتىستى. اتاۋلى جارىس «ساپتىق تۇزەۋ», «جول بەلگىلەرىنىڭ بىلگىرلەرى», «ۆەلوسيپەدتى مانەرلەپ ايداۋ», «جاس رەتتەۋشى», «ەرۋديت ءتۋرنيرى», «جاس سانيتار» سىندى 6 باعىتتان تۇردى. جەڭىمپاز 12 ماۋسىمدا وتەتىن وبلىستىق «جاس قوزعالىس جول ينسپەكتورلار» سلەتىنە قاتىسادى.
ناتيجەسىندە № 22 ورتا مەكتەبى I ورىنعا يە بولىپ, وبلىستىق سلەتكە جولداما الدى.