23-24 مامىر كۇندەرى نازارباەۆ ۋنيۆەرسيتەتىنىڭ مەديتسينا مەكتەبىندە ەلىمىزدە وسى سفەرادا ەڭبەك ەتۋشى 200-دەي ماماننىڭ قاتىسۋىمەن مەيىرگەرلىك ءبىلىم بەرۋدەگى تاجىريبە ماسەلەلەرى قاراستىرىلعان جيىندا 3 جىلدىق «ProlnCa» جوباسىنىڭ ىسكە اسۋى اڭگىمە وزەگىنە اينالعان. اتالعان جوباعا ەرازمۋس+ ەۋروپالىق باعدارلاماسىنىڭ 1 ملن. قارجى بولگەنىن ايتا كەتكەن ءجون. قازاقستاننىڭ 5 جوو, ال ەۋروپانىڭ 4 ۋنيۆەرسيتەتىنەن ماماندار بىرلەسە جۇزەگە اسىرىپ جاتقان جوبانىڭ نەگىزگى ۇيلەستىرۋشىسى فينليانديانىڭ JAMK قولدانبالى ۋنيۆەرسيتەتى بولسا, ءبىزدىڭ ەلدە جوبانىڭ ۇلتتىق ۇيلەستىرۋشىسى-نازارباەۆ ۋنيۆەرسيتەتىنىڭ مەديتسينا مەكتەبى ەكەن.
مەيىرگەرلەردى دايارلاۋدا ءۇش جاقتى–بىلىم بەرۋ, عىلىم جانە تاجىريبەنىڭ ينتەگراتسياسىن قامتاماسىز ەتۋدى كوزدەپ, مەيىرگەرلەردى تەك دارىگەردىڭ كومەكشىسى دەپ قاراماي, ولاردى ورتا كاسىپتىك بىلىم–باكالاۆريات– ماگيسترانتۋرا– دوكتورانتۋرادا وقىتىپ كوپ دەڭگەيلى مامان رەتىندە دايىنداپ, مارتەبەسىن كۇشەيتۋ جوبانىڭ نەگىزگى ماقساتى بولىپ وتىر.