قازىلار القاسىنىڭ شەشىمى بويىنشا شەشەندىك ونەرلەرىمەن جانە كاسىبي شەبەرلىكتەرىمەن كوزگە تۇسكەن نۇراي عازيز, ەليزاۆەتا سەدىشەۆا جانە الىبەك بيمەندين كونكۋرستىڭ جەڭىمپازدارى رەتىندە تانىلىپ, ولارعا ارنايى ديپلومدار مەن اقشالاي سەرتيفيكاتتار تابىس ەتىلدى.
سونداي-اق, شارا اياسىندا وتكەن عىلىمي-شىعارماشىلىق كونفەرەنتسياعا جوو وقىتۋشىلارى, دوكتورانتتارى, ماگيسترانتتارى جانە ستۋدەنتتەرى, وبلىستىق اسسامبلەيانىڭ, قحا عىلىمي-ساراپتامالىق توپ مۇشەلەرى, ەتنومادەني بىرلەستىك وكىلدەرى, عالىمدار, ساراپشىلار قاتىستى.
كونفەرەنتسيادا ە.بوكەتوۆ اتىنداعى قارمۋ-دىڭ پروفەسسورى, فيلولوگيا عىلىمدارىنىڭ دوكتورى جاندوس سماعۇلوۆ قازاق حالقىنىڭ داستۇرلەرىن مىسالعا الا وتىرىپ, ۇلتتىق رۋحاني مۇرا جايىندا تاعىلىمدى بايانداما جاسادى.
سونىمەن قاتار, پروفەسسور, تاريح عىلىمدارىنىڭ دوكتورى ساتاي سىزدىقوۆ «ماڭگىلىك ەلدىڭ مۇراگەرى» دەگەن تاقىرىپتاعى بايانداماسىندا ءبىزدىڭ مادەنيەتىمىز بەن دۇنيەتانىمىمىزدىڭ ءتۇپ تامىرى ەجەلگى ءداۋىر ادەبيەتى مەن كونە تۇركى جازبا ەسكەرتكىشتەرى نەگىزىندە جاتقانىن, سول سەبەپتى دە ۇلتتىق رۋحىمىزدىڭ بەرىك ەكەنىن اڭگىمە ارقاۋى ەتتى.
قاراعاندى وبلىسى