شىعىس قازاقستان, قوستاناي وبلىستارى مەن الماتى قالاسىندا اۋا رايىنا بايلانىستى ەسكەرتۋ جاريالاندى دەپ حابارلايدى «قازگيدرومەت» رمك.
جاڭبىر جاۋىنا بايلانىستى 22-23 مامىردا الماتى وزەندەرىندە سۋدىڭ دەڭگەيى كوتەرىلىپ, سۋ تاسقىنى جانە بەتكەيلىك اعىن بولۋى مۇمكىن.
23 مامىردا شىعىس قازاقستان وبلىسىندا جاۋىن-شاشىن جاۋىپ (جاڭبىر, قار ارالاس جاڭبىر), كەي جەرلەردە نايزاعاي ويناۋى مۇمكىن. سونداي-اق, داۋىل سوعىپ, بۇرشاق جاۋى ىقتيمال. باتىستان سوعاتىن جەلدىڭ باعىتى سولتۇستىك-باتىسقا اۋىسىپ, جىلدامدىعى 15-20 م/س-كە جەتەدى.
23 مامىردا قوستاناي وبلىسىندا تاڭەرتەڭ جانە كۇندىز كەي جەرلەردە نايزاعاي ويناپ, وڭتۇستىك-باتىستان ەكپىنى 15-20 م/س بولاتىن جەل سوعۋى ىقتيمال.