«بيزنەستىڭ جول كارتاسى-2020» مەملەكەتتىك باعدارلاماسىنىڭ نەگىزگى ماقساتتارى – وڭىرلىك كاسىپكەرلىكتىڭ تۇراقتى ءارى تەڭگەرىلىمدى ءوسىمىن قامتاماسىز ەتۋ, قازىرگى جانە جاڭادان قۇرىلاتىن جۇمىس ورىندارىنا قولداۋ كورسەتۋ.
باعدارلاما ىسكە اسىرىلعان ءتورت جىلدان بەرى رەسپۋبليكالىق بيۋدجەتتەن 210,5 ملرد تەڭگە ءبولىندى. بۇل قاراجات 13 مىڭ شوب سۋبەكتىسىن قارجىلاندىرۋعا, ورتا ەسەپپەن جىلىنا 20 مىڭ كاسىپكەردى وقىتۋعا, 10 مىڭ جۇمىس ورنىن قۇرۋعا, 3,3 ترلن تەڭگە سوماسىنا ءونىم شىعارۋعا مۇمكىندىك بەردى. تولەنگەن سالىقتار سوماسى جىل سايىن 175 ملرد تەڭگەنى قۇرادى.
«جالپى, باعدارلاما ىسكە اسىرىلعان ءتورت جىلدا رەسپۋبليكالىق جانە جەرگىلىكتى بيۋدجەتتەردەن 247,1 ملرد تەڭگە كولەمىندە 13 380 جوباعا قولداۋ كورسەتىلدى», — دەپ ناقتىلادى ۇلتتىق ەكونوميكا ۆيتسە-ءمينيسترى.
بولىنگەن قاراجاتتىڭ باسىم بولىگى نەسيەلەر بويىنشا سىياقى مولشەرلەمەسىن سۋبسيديالاۋعا باعىتتالدى (126 ملرد تەڭگەسى نەمەسە بارلىق سومانىڭ 60,1%). 53 ملرد تەڭگەسى نەمەسە 25,2% فابريكالارعا, زاۋىتتارعا جانە شوب وندىرىستىك نىساندارىنا جەتكىلىكسىز ينفراقۇرىلىمدى جۇرگىزۋگە باعىتتالدى. قالعان بولىگى نەسيەلەردى كەپىلدەندىرۋگە, گرانتتار ۇسىنۋعا, كاسىپكەرلەردى وقىتۋعا جانە ولارعا كەڭەس بەرۋ قىزمەتتەرىنە جۇمسالدى. باعدارلاما تەتىكتەرىنە سۇرانىس وتە جوعارى.
جالپى شارالار ناتيجەسىندە شوب-تىڭ ەكونوميكاداعى ماڭىزى ارتتى. ماسەلەن, 2015 جىلى ءجىو-دەگى شوب ۇلەسى 24,9% قۇراسا, 2018 جىلدىڭ قورىتىندىسى بويىنشا 28,3% بولدى. 2015 جىلمەن سالىستىرعاندا, شاعىن جانە ورتا كاسىپكەرلەردىڭ ەل ەكونوميكاسىنا قاتىسۋى 3,4 پايىزدىق پۋنكتكە جوعارىلادى.
2018 جىلدىڭ قورىتىندىسى بويىنشا شوب-تىڭ ونىمدەر شىعارۋ كولەمى 26 ترلن تەڭگەدەن استى. بۇل رەتتە, ءونىم شىعارۋ قۇرىلىمىنىڭ بەستەن ءبىر بولىگى ونەركاسىپتىڭ ۇلەسىنە تيەسىلى.
جالپى, 2018 جىلى ەلىمىزدە ءوندىرىس ءوسىمى 2015 جىلعى دەڭگەيدەن ناقتى مانىندە 114% (نەمەسە 26,5 ترلن تەڭگەنى) قۇرادى.
ال 2019 جىلى 1 قاڭتارداعى مالىمەتتەر بويىنشا, شاعىن جانە ورتا كاسىپكەرلىك سۋبەكتىلەرىنىڭ سانى 1,2 ملن بىرلىكتى قۇرادى. وتكەن جىلدىڭ وسىنداي كەزەڭىمەن سالىستىرعاندا, بۇل كورسەتكىش 8,3%-عا ارتتى.
سونىمەن قاتار ۇلتتىق ەكونوميكا ۆيتسە-ءمينيسترى ە. الپىسوۆ 2019 ج. ءى توقسانداعى شاعىن جانە ورتا كاسىپكەرلىكتىڭ دامۋ قورىتىندىلارى تۋرالى اقپاراتتاندىردى. بۇل كەزەڭدە بارلىعى 715 جوباعا قولداۋ كورسەتىلدى.
جەرگىلىكتى اتقارۋشى ورگاندار كونكۋرستىق راسىمدەر قورىتىندىسى بويىنشا وسى جىلدىڭ ەكىنشى جارتىسىندا گرانتتار بەرە باستايدى.
2019 جىلى 15 ينفراقۇرىلىمدىق جوبا بويىنشا 7,3 ملرد تەڭگە قاراستىرىلعان. جوبالار ىسكە اسىرىلۋ ساتىسىندا.
«بيزنەستىڭ جول كارتاسى-2020» باعدارلاماسىنىڭ ماڭىزدى باعىتى كاسىپكەرلىك الەۋەتتى نىعايتۋ بولىپ تابىلادى. بۇل باعىت بيزنەس جۇرگىزۋ نەگىزدەرىنە وقىتۋ بويىنشا جوبالار كەشەنىن, شاعىن جانە ورتا بيزنەس قۇزىرەتتەرىن كوتەرۋدى, الەۋەتتى جانە ءوز ءىسىن باستاعان كاسىپكەرلەرگە قولداۋ كورسەتۋ ءۇشىن كونسۋلتاتسيالىق كەڭەس بەرۋدى قامتيدى. كەڭەس بەرۋ كەزىندە بيزنەس-جوسپاردى قالاي ازىرلەۋ, سالىقتاردى قالاي تولەۋ, دەكلاراتسيانى قالاي تاپسىرۋ, بانكتەرگە قالاي جۇگىنىپ, ليتسەنزيانى قالاي تاپسىرۋ ت.ب. كەرەكتىگى تۇسىندىرىلەدى.
وسىلايشا, جىل سايىن 20 مىڭعا جۋىق كاسىپكەر وقىتىلىپ, قۇزىرەتتەرى ارتتىرىلاتىن بولادى, ورتا ەسەپپەن العاندا 154 مىڭ كاسىپكەر جىل سايىن كونسۋلتاتسيالىق (110 مىڭ) جانە سەرۆيستىك (44 مىڭ) قىزمەتتەر الاتىن بولادى.
بيىلعى جىلدىڭ ءى توقسانىنىڭ قورىتىندىسى بويىنشا 6 135 تىڭداۋشى بيزنەس-مەكتەپتەردە كاسىپكەرلىك نەگىزدەرى بويىنشا وقىتۋدان ءوتتى. كاسىپكەرلەردى قولداۋ ورتالىقتارىندا بيزنەستى مەملەكەتتىك قولداۋ شارالارى بويىنشا 19,5 مىڭ كليەنتكە 36 مىڭنان استام كەڭەس بەرىلدى, 7 مىڭ كاسىپكەرگە 8 مىڭعا جۋىق سەرۆيستىك قىزمەت كورسەتىلدى.