بۇگىن ۋكراينا پرەزيدەنتى قىزمەتىنە كىرىسكەن ۆلاديمير زەلەنسكي جوعارعى رادانىڭ سالتاناتتى وتىرىسىندا انت بەردى.
ورتالىق سايلاۋ كوميسسياسىنىڭ ءتورايىمى تاتيانا سليپاچۋك ۆلاديمير زەلەنسكيگە ۋكراينا پرەزيدەنتىنىڭ كۋالىگىن تاپسىردى. كونستيتۋتسيالىق سوت ءتورايىمى ناتاليا شاپتالا ۆلاديمير زەلەنسكيگە پرەزيدەنت بەلگىسىن, شوقپار (بۋلاۆا) مەن ەلتاڭبا ءمورىن تابىستادى.
سونداي-اق ۇلىقتاۋ راسىمىندە سويلەگەن ۆ. زەلەنسكي جوعارعى رادانى (پارلامەنت) تاراتاتىنىن ايتتى.
ايتا كەتەيىك, ۋكراينا پرەزيدەنتى ۆلاديمير زەلەنسكيدى ۇلىقتاۋ راسىمىنە قازاقستان رەسپۋبليكاسىنىڭ جوعارى دەڭگەيدەگى دەلەگاتسياسى قاتىستى. قازاقستان دەلەگاتسياسىن پارلامەنت سەناتى توراعاسىنىڭ ورىنباسارى بەكتاس بەكنازاروۆ باستاپ باردى.