18 مامىر كۇنى ەلوردادا «مۋزەي ءتۇنى» شاراسى اياسىندا «Egemen Qazaqstan» گازەتىنىڭ 100 جىلدىعىنا وراي «ءجۇز جىلدىق جىلناما» كورمەسى اشىلدى. شاراعا اقپارات جانە قوعامدىق دامۋ ءمينيسترى داۋرەن اباەۆ, باسىلىم باسشىلارى مەن ارداگەر جۋرناليستەر قاتىستى.
كورمەگە ەلىمىزدىڭ عاسىرلىق دەرەكتى تاريحىن تاسقا باسقان گازەتتىڭ ەسكى تىگىندىلەرى, سول كەزدەگى ءوندىرىسى تۋرالى حابار بەرەتىن جادىگەرلەر, گازەت رەداكتسياسىنان جارىق كورگەن كىتاپتار, باسىلىمنىڭ ءتۇرلى جەتىستىكتەرىن كورسەتەتىن قۇجاتتار مەن ماراپاتتار سىندى كوپتەگەن دۇنيەلەر قويىلعان.
باسىلىمنىڭ مەرەيتويىنا ارنالعان كەشەندى شارالار جىل اياعىنا دەيىن جالعاسادى. مۇنداي شارالار ەلىمىزدىڭ ءتۇرلى ايماقتارىندا بيىلعى قاڭتار ايىنان باستالعان. شىعىس قازاقستان جانە الماتى وبلىستارىندا گازەت مەرەيتويىنا ارنالعان سالتاناتتى شارالار, كەزدەسۋلەر ۇيىمداستىرىلدى.
كورمە ء بىر اي بويى جالعاسادى.