- بۇل ماڭىزدى قۇجات تۇرعىنداردىڭ ءومىر ءسۇرۋ دەڭگەيىن ارتتىرۋعا, الەۋمەتتىك-ەكونوميكالىق دامۋعا, جايلى ءومىر ءسۇرۋ ورتاسىن قۇرۋعا باعىتتالادى. ءتيىمدى ۇسىنىستار بولسا قابىلداۋعا دايىنبىز. قالا تۇرعىندارى ينفراقۇرىلىم, دەنساۋلىق ساقتاۋ, ءبىلىم بەرۋ, قاۋىپسىزدىك, تۇتىنۋ تاۋارلارى جانە باعانىڭ قولجەتىمدىلىگى باعىتتارى بويىنشا ءوز يدەيالارىن جىبەرە الادى, - دەيدى قالا اكىمى ءانۋار كۇمپەكەەۆ.
ۇسىنىستار مەن يدەيالاردى قۇجات جانە فوتوسۋرەت تۇرىندە دە جولداي الادى. ۇزدىك ءۇش جوبانىڭ اۆتورىنا 150 مىڭ تەڭگە كولەمىندە اقشالاي سىيلىق بەرىلەدى. جەڭىمپازداردى انىقتاۋ ءۇشىن ارنايى كوميسسيا قۇرىلادى.
ال, «Dasco Consulting Group» كومپانياسىنىڭ وكىلى داۋلەت ارعىنوۆتىڭ ايتۋىنشا, قالانى دامىتۋ ستراتەگياسى ءۇش كەزەڭنەن تۇرادى.
ءبىرىنشىسى – الەۋمەتتىك ساۋالناما جۇرگىزۋ كەزەڭى. وعان 2800 ادام قاتىسىپ, ءوز پىكىرلەرىن بىلدىرگەن جانە قاتىسۋشىلاردىڭ 49 پايىزى «پاۆلودار ءومىر سۇرۋگە ىڭعايلى قالا» دەپ سانايدى.
قالالاردى دامىتۋ ستراتەگياسىن ازىرلەۋ ەكونوميكا مينيسترلىگى قۇرعان ادىستەمەگە ساي جۇرگىزىلەدى.
قۇجات ازىرلەۋ قاراشا ايىنا دەيىن جالعاسادى, كۇزدە باعدارلاما قالالىق ءماسليحاتتىڭ سەسسياسىندا ۇسىنىلادى.
پاۆلودار