قر ۇكىمەتىنىڭ باسشىسى وبلىس ورتالىعىنا كەلگەن بويدا «TurkistanInternationalAirport» حالىقارالىق اۋەجايىنىڭ قۇرىلىسىنىڭ ورنىنا كاپسۋلا سالۋ راسىمىنە قاتىستى. جوبا YDA Holding تۇرىك كومپانياسىمەن بىرلەسىپ ىسكە اسىرىلاتىن بولادى, تارتىلاتىن ينۆەستيتسيالار كولەمى $70 ملن استامدى قۇرايدى.
YDA Holding باسقارما توراعاسى ارسلان حۋسەين اۋەجايدىڭ حالىقارالىق ستاندارتتارعا ساي جوبالاناتىنىن جانە سوڭعى شىققان قۇرىلىس تەحنولوگيالارىن پايدالانىلا وتىرىپ جۇزەگە اسىرىلاتىنىن ايتتى. تەرمينالدىڭ وتكىزۋ قابىلەتى جىلىنا 3 ملن جولاۋشىنى قۇرايدى. نىساندى 2020 جىلدىڭ سوڭىندا پايدالانۋعا بەرۋ كوزدەلگەن.
جۇمىس ساپارى اياسىندا الەۋمەتتىك نىساندار مەن اكىمشىلىك ماقساتتاعى عيماراتتاردى سالۋ بارىسى قارالدى, ولاردىڭ قاتارىندا وقۋشىلار سارايى, تۋريستىك باعىتتاعى كوللەدج, سپورت جانە مۋزىكا مەكتەپتەرى, سپورت سارايى, حالىققا قىزمەت كورسەتۋ ورتالىعى, اتتراكتسيوندارى بار پارك, مۋزىكالىق فونتان, امفيتەاتر, سونداي-اق, وبلىستىق اكىمدىك, مەديا-ورتالىق جانە كونگرەسس حولل بار.
قالانىڭ تاريحي-مادەني ورتالىعىندا ق.ا. ياسساۋي مۋزەيىن, وبلىستىق عىلىمي-امبەباپ كىتاپحانانى, شىعىس مونشاسىن سالۋ جانە ۆيزيت-ورتالىعىنىڭ عيماراتىن رەكونسترۋكتسيالاۋ جۇمىستارى تەكسەرىلدى.
سونىمەن قاتار, پرەمەر-مينيستر ا. مامين ساياباق پەن «نۇر-سۇلتان» الاڭىنىڭ, نەكە سارايىنىڭ, «Rixos Turkestan» قوناق ءۇيىنىڭ قۇرىلىسى باستالعان الاڭداردى بارىپ كوردى.
جاڭادان سالىنىپ جاتقان عيماراتتاردى ەلەكتر ەنەرگياسىمەن ۇزدىكسىز قامتاماسىز ەتۋ ماقساتىندا تۇركىستان قالاسىندا «ياسسى» شاعىن ستانتسياسى سالىناتىن بولادى. قازىرگى تاڭدا ونىڭ ىرگەتاسىن قالاۋ جۇمىستارى جۇرگىزىلىپ جاتىر. ا. مامينگە نىساندى 2020 جىلدىڭ ءبىرىنشى جارتىسىندا پايدالانۋعا بەرۋ كوزدەلىپ وتىرعانى باياندالدى.
قالاداعى جولدار ساپاسىن جاقسارتۋ جانە كوشەلەرىن اباتتاندىرۋ جۇمىستارىنا ەرەكشە كوڭىل ءبولىندى.
قر پرەمەر-ءمينيسترى ا. ءماميننىڭ تۇركىستان وبلىسىنا جۇمىس ساپارى اياسىندا جالپى سوماسى $1,97 ملرد قۇرايتىن 5 قۇجاتقا قول قويىلدى:
1. تۇركىستان وبلىسىنىڭ اكىمدىگى مەن «ەكو-كۋلتۋرا» رەسەيلىك كومپانياسى اراسىنداعى $1,1 ملرد سوماسىنا كەلەس اۋدانىندا اۋدانى 500 گا بولاتىن جىلىجاي كەشەنىن سالۋ جونىندەگى ءوزارا تۇسىنىستىك تۋرالى مەموراندۋم;
2. قر يندۋستريا جانە ينفراقۇرىلىمدىق دامۋ مينيسترلىگى, تۇركىستان وبلىسىنىڭ اكىمدىگى جانە KAZAKHSTAN CHN-KZ ELECTRIC INDUSTRIAL PARK GROUP قىتاي كومپانياسى اراسىندا $524 ملن سوماسىنا «تۇركىستان» يندۋستريالىق ايماعىندا ەنەرگەتيكالىق جابدىق پەن بۇيىمدار شىعارۋ بويىنشا قازاقستان – قىتاي يندۋستريالىق پاركىن سالۋ جونىندەگى ءوزارا تۇسىنىستىك تۋرالى مەموراندۋم;
3. قر ەنەرگەتيكا مينيسترلىگى, تۇركىستان وبلىسىنىڭ اكىمدىگى جانە KAZAKHSTAN CHN-KZ ELECTRIC INDUSTRIAL PARK GROUP قىتاي كومپانياسى اراسىنداعى $225 ملن سوماسىنا كەنتاۋ قالاسىندا قۋاتتىلىعى 200 مۆت بولاتىن «قوتىربۇلاق» جەل ەلەكتر ستانتسياسى مەن كۇن ەلەكتر ستانتسياسىن سالۋ جونىندەگى ءوزارا تۇسىنىستىك تۋرالى مەموراندۋم;
4. تۇركىستان وبلىسىنىڭ اكىمدىگى مەن «KazPV LTD» جشس اراسىنداعى $100 ملن سوماسىنا, قازاقستاندىق كرەمني نەگىزىندە فوتوەلەكترلىك مودۋلدەردى پايدالاناتىن, قۋاتتىلىعى 100 مۆت بولاتىن كۇن ەلەكتر ستانتسيالارىن سالۋ جونىندەگى ءوزارا تۇسىنىستىك تۋرالى مەموراندۋم;
5. تۇركىستان وبلىسىنىڭ اكىمدىگى مەن POLCOTTON LTD پولياك كومپانياسى اراسىنداعى $27 ملن سوماسىنا سايرام اۋدانىندا اۋماعى 21 گا بولاتىن جىلىجاي كەشەنىن سالۋ جونىندەگى ءوزارا تۇسىنىستىك تۋرالى مەموراندۋم.