قازاقستاندىق بوكسشى باتىر جۇكەمباەۆ مەكسيكالىق لۋيس حەسۋس ۆيدالەسپەن (13-6, 6كو) جەكپە-جەگىن وتكىزىپ, جەڭىسكە جەتتى, دەپ حابارلايدى Sports.kz.
جارتىلاي ورتا سالماقتاعى 10 راۋندتىق جەكپە-جەك كانادانىڭ مونرەال قالاسىنداعى Montreal Casino ويىن-ساۋىق كەشەنىندە ءوتتى. كەزدەسۋدىڭ ءبىرىنشى راۋندىندا باتىر جۇكەمباەۆ قارسىلاسى لۋيس حەسۋس ۆيدالەستى تەحنيكالىق نوكاۋتقا ءتۇسىرىپ, كەزەكتى جەڭىسىنە قول جەتكىزدى.
«كوتتو» لاقاپ اتىمەن بەلگىلى مەكسيكالىق لۋيس حەسۋس ۆيدالەس 30 جاستا. ول 2011 جىلدان بەرى كاسىپقوي بوكستا. ءبىر كەزدەسۋدەن باسقاسىنىڭ ءبارىن مەكسيكادا وتكىزگەن. جۇكەمباەۆ سوڭعى ايقاسىن ءدال وسى مونرەال قالاسىندا وتكىزىپ, مەكسيكالىق حيلبەرتو مەسانى (10-5-1, 6 كو) تورەشىلەردىڭ ءبىراۋىزدى شەشىمىمەن جەڭگەن ەدى.