كەنشىلەر استاناسىنداعى باستى كوشە – بۇقار جىراۋ داڭعىلىنداعى عيماراتتار مەن تۇرعىن ۇيلەردىڭ سىرتىنا زاماناۋي ماتەريالداردان جاسالعان مەكەنجاي انشلاگتارى ورناتىلا باستادى.
قاراعاندى قالاسىنىڭ ساۋلەت-ەستەتيكالىق كەلبەتىن جاقسارتۋ جانە تۇرعىندار ءۇشىن قولايلىلىق تۋدىرۋ ماقساتىن كوزدەگەن بۇل جۇمىستار كەزەڭ-كەزەڭىمەن جۇرگىزىلىپ, الداعى ۋاقىتتا قالانىڭ باسقا دا كوشەلەرىن قامتيتىن بولادى.
– انشلاگتار زاماناۋي ماتەريال – جارىق شاعىلىستىراتىن جانە جارىق تويتارعىش قابىقشادان جاسالعان. مەكەنجاي تاقتايشالارىن اۋىستىرۋ دەمەۋشىلەر ەسەبىنەن جۇرگىزىلەدى, بيۋدجەتتەن قاراجات جۇمسالمايدى, – دەپ مالىمدەدى قاراعاندى قالاسىنىڭ قازىبەك بي اتىنداعى اۋدان اكىمى تاتيانا شاتوحينا.
جۇمىس مىناداي رەتپەن جۇرگىزىلەدى: اۋەلى جاڭا انشلاگتار ورناتىلادى دا, كەيىنىرەك وعان جارىق تارتىلىپ, QR كودتار تاڭبالانادى.
قاراعاندى وبلىسى