وعان قىرعىز رەسپۋبليكاسىنىڭ ەكس-پرەزيدەنتى روزا وتىنباەۆا, ەقدب ورتالىق ازيا بويىنشا باسقارۋشى ديرەكتورى بالۆانەرا برۋنو, «قازاقستاننىڭ ەكولوگيالىق ۇيىمدارى قاۋىمداستىعى» زاڭدى تۇلعالار بىرلەستىگى باسقارماسىنىڭ ءتورايىمى ايگۇل سولوۆەۆا, «Expo&Women» حالىقارالىق ۇيىمى پرەزيديۋمىنىڭ ءتورايىمى سالتانات راحيمبەكوۆا جانە باسقالار قاتىستى.
ءوز سوزىندە ۆيتسە-پرەمەر تۇڭعىش پرەزيدەنت – ەلباسى ن.ءا.نازارباەۆتىڭ باستاماسى بويىنشا قازاقستاندا شيكىزاتتىق تاۋەلدىلىكتەن باس تارتۋعا باعىتتالعان جانە يننوۆاتسيالارعا نەگىزدەلگەن جاڭا ەكونوميكا قۇرىلىپ جاتقانىن اتاپ ءوتتى. وسى تۇرعىدا مەتاللۋرگيا, مۇناي-گاز حيمياسى, اگروونەركاسىپ كەشەنى, بيو- جانە IT-تەحنولوگيالارداعى زەرتتەۋلەرگە باسىمدىق بەرەتىن جوعارى وقۋ ورنى عىلىمى دامىپ كەلەدى.
«سوڭعى 5 جىلدا زەرتتەۋشى ايەلدەردىڭ ۇلەسى 51,6%-دان 52,8%-عا دەيىن ارتتى جانە 2018 جىلى 9 217 ادامدى قۇرادى. ەگەر 2015-2017 جىلدارى جۇزەگە اسىرىلىپ جاتقان 1770 عىلىمي جوبا جەتەكشىلەرىنىڭ 566 (32%) ايەل بولسا, 2018-2020 جىلدارداعى 1084 عىلىمي جوباداعى ولاردىڭ ۇلەسى 418 (38%) قۇراپ وتىر», — دەدى گ.ابدىقالىقوۆا.
ءىس-شاراعا قاتىسۋشىلار ايەلدەردىڭ عىلىمعا, يننوۆاتسياعا جانە ەكونوميكالىق دامۋعا قوسقان ۇلەسىن ارتتىرۋ ماسەلەلەرىن تالقىلادى, حالىقارالىق ۇيىمداردىڭ, مەملەكەتتەردىڭ جانە بيزنەستىڭ ءتۇرلى قىزمەت سالاسىنداعى گەندەرلىك الشاقتىقتى ازايتۋداعى تابىستى تاجىريبەلەرىن جانە گەندەرلىك تەپە-تەڭدىكتى ىلگەرىلەتۋدەگى ايەلدەر قاۋىمداستىعىنىڭ كۇش-جىگەرىن بىرىكتىرۋ مۇمكىندىكتەرىن قاراستىردى.
ودان ءارى فورۋم الاڭىندا گ.ن.ابدىقالىقوۆا بىرقاتار ەكىجاقتى كەزدەسۋلەر وتكىزدى.
بۇۇ باس حاتشىسىنىڭ كومەكشىسى, «بۇۇ-ايەلدەر» قۇرىلىمى اتقارۋشى-ديرەكتورىنىڭ ورىنباسارى وسا رەگنەرمەن اڭگىمەلەسە وتىرىپ, پرەمەر-ءمينيستردىڭ ورىنباسارى گەندەرلىك تەڭدىك جانە ايەلدەردىڭ قۇقىقتارى مەن مۇمكىندىكتەرىن كەڭەيتۋ سالاسىنداعى قازاقستاننىڭ جانە «بۇۇ-ايەلدەر» قۇرىلىمىنىڭ ارىپتەستىگى مەن ىنتىماقتاستىعىن ودان ءارى تەرەڭدەتۋ ماسەلەلەرىن اتاپ ءوتتى.
قازاقستاندا بۇل ۇيىم قر پرەزيدەنتىنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيامەن بىرلەسىپ ۇكىمەتتىڭ قارجىلىق قولداۋىمەن گەندەرلىك-باعدارلانعان جوسپارلاۋ جانە بيۋدجەتتەۋ, جاعدايى تومەن ايەلدەردىڭ ەكونوميكالىق قۇقىقتارىن ءونىمدى جۇمىسپەن قامتۋ جانە كاسىپكەرلىككە تارتۋ جولىمەن كەڭەيتۋ, ايەلدەر مەن قىزدارعا قاتىستى زورلىق-زومبىلىقتى جويۋ جونىندەگى جوبالاردى ىسكە اسىرادى.
بۇۇ باس حاتشىسىنىڭ كومەكشىسى, بۇۇ دب-نىڭ ەۋروپا جانە تمد ەلدەرى بويىنشا وڭىرلىك بيۋروسىنىڭ اكىمشىسى جانە ديرەكتورى ميريانا سپولياريچ ەگگەرمەن كەزدەسۋدە ورنىقتى دامۋ ماقساتتارىنا (ودم) قول جەتكىزۋ بويىنشا جۇرگىزىلىپ جاتقان جۇمىس ماسەلەلەرى تالقىلاندى. بۇگىنگى كۇنى ودم-نىڭ 80% ەلدىڭ ۇلتتىق ستراتەگيالىق قۇجاتتارىمەن قامتىلعان. قازاقستان رەسپۋبليكاسى ۇكىمەتىنىڭ جانىنان ەلدەگى ودم-نى ۇيلەستىرۋ مەن ىسكە اسىرۋدىڭ ۇلتتىق تەتىگى رەتىندە ارەكەت ەتەتىن ۇيلەستىرۋ كەڭەسى قۇرىلدى.
ۇكىمەتتىڭ باستى باسىمدىعى ازاماتتاردىڭ لايىقتى ءومىر ءسۇرۋ دەڭگەيىن قامتاماسىز ەتۋ جانە الەۋمەتتىك باعدارلانعان مەملەكەت رەتىندە دامىتۋ بولىپ تابىلاتىندىعى اتالىپ ءوتتى. 2019 جىلى الەۋمەتتىك سالاعا رەسپۋبليكالىق بيۋدجەتتىڭ بارلىق شىعىستارىنىڭ 43%-ن استامى باعىتتالدى. ەلىمىزدە قازاقستاندىقتاردىڭ ءال-اۋقاتى مەن ءومىر ءسۇرۋ ساپاسىنىڭ جالپى وسۋىنە, جاعدايى تومەن ادامداردى قولداۋعا باعىتتالعان اۋقىمدى رەفورمالار جۇرگىزىلۋدە.