ول بۇل قىزمەتتى 2005 جىلدان بەرى اتقارىپ كەلە جاتقان ۆاديم پريسياجنيۋكتىڭ ورنىنا كەلمەك. ۆاديم پريسياجنيۋكتىڭ جەتەكشىلىگىمەن ءبىزدىڭ كوماندامىز قۇرلىقتاعى ۇزدىكتەر قاتارىنا ەندى. 2005 جىلدان باستاپ بۇرىمدى بوكسشىلارىمىز الەم چەمپيوناتتارىنان بەس التىن, ءتورت كۇمىس جانە جەتى قولا مەدال يەلەنگەن. 2012 جىلعى وليمپيادا ويىندارىندا مارينا ۆولنوۆا, 2016 جىلعى وليمپيادادا داريعا شاكىموۆا قولا جۇلدەگەر اتاندى.
باس باپكەر مىقتى قۇرام جاساقتاپ, سپورتشىلارىمىز حالىقارالىق تۋرنيرلەردە ۇزدىكتەر قاتارىنان كورىنجى. قازاقستان بوكس فەدەراتسياسى ۇزاق جىلعى جەمىستى ەڭبەگى مەن ەلىمىزدەگى بوكسشىلاردى دايىنداۋعا قوسقان ۇلەسى ءۇشىن ۆاديم پريسياجيۋككە العىس ءبىلدىردى.
سوڭعى ازيا چەمپيوناتىندا ءبىزدىڭ بوكسشى قىزدارىمىز التىن مەن كۇمىس جۇلدەگە جەتە المادى. وسىدان سوڭ, باپكەرلەر كەڭەسى كوماندانى دايىنداۋ ءۇشىن جاڭا كۇش, جاڭا باعىت كەرەك دەپ شەشكەن.
ايەلدەر كومانداسىنىڭ باسشىلىعىنا كەلگەن ەرىك العابەكتىڭ ەڭبەك ءوتىلى – 15 جىل. 2011-2016 جىلدار ارالىعىندا ءجاسوسپىرىم قىزدار مەن جاستار كومانداسىنىڭ باس باپكەرى قىزمەتىن اتقارىپ, الەم چەمپيوناتتارىنان 4 التىن جانە 23 قولا مەدال جەڭىپ الۋعا سەپتىگىن تيگىزگەن. 2011 جىلدان بەرى العابەك وليمپيادالىق دايارلاۋ ورتالىعىندا اعا باپكەر قىزمەتىن اتقاردى.