«سىزدى PASD كوميسسياسىنىڭ مۇشەسى ەتىپ تاعايىنداعانىما قۋانىشتىمىن. سىزگە ارىپتەستىگىڭىز ءۇشىن العىس ايتا وتىرىپ, جاقىن ارادا كەزدەسەتىنىمىزگە سەنىمدىمىن» دەلىنگەن حاتتا.
اتالعان كوميسسيا بۇعان دەيىن حالىقارالىق قاتىناستار جونىندەگى كوميسسيا دەپ اتالاتىن. PASD نەگىزگى مىندەتتەرى قاتارىنا حوك سەسسيالارىن وتكىزۋ, ۇيىمنىڭ اتقارۋشى كوميتەتى مەن حوك پرەزيدەنتىنە الەمدەگى سپورت پەن وليمپيزم ءرولىن دامىتۋ ستراتەگيالارىن ءتۇسىندىرۋ, وليمپيادالىق قوزعالىستى دامىتۋ, بۇۇ جانە وليمپيادالىق ويىنداردان بولەك وزگە دە ۇيىمدارمەن بايلانىس ورناتۋ جونىندە كەڭەس بەرۋ جاتادى.
ايتا كەتۋ كەرەك, قازاقستان ۇوك پرەزيدەنتى العاش رەت 2017 جىلدىڭ ءساۋىر ايىندا اتالعان كوميسسيا قاتارىنا ەنگەن. 2018 جىلدىڭ تامىزىندا حوك باسشىسى PASD قۇرامىن قايتا قاراپ, ت. ق ۇلىباەۆتى قايتادان تاعايىندادى. 2019 جىلى الەمدەگى گەندەرلىك جانە قۇرلىقتىق تەڭدىكتى ساقتاۋ ماقساتىندا توماس باح جەتەكشى ماماندارمەن بىرگە كوميسسيا قۇرامىن قايتا قارادى. بۇگىندە PASD قۇرامىندا 10 ايەل ادام جانە 18 ەر ادام بار.
كوميسسيا قۇرامىنا حوك اتقارۋشى كوميتەتىنىڭ مۇشەلەرى, ۇوك باسشىلارى, حالىقارالىق فەدەراتسيالار مەن سپورتتىق ۇيىم جەتەكشىلەرى كىرەدى. اتاپ ايتار بولساق, حالىقارالىق جەڭىل اتلەتيكالىق فەدەراتسيالار قاۋىمداستىعىنىڭ IAAF باسشىسى سەباستيان كوە مەن حالىقارالىق ترياتلون فەدەراتسياسىنىڭ ITU پرەزيدەنتى ماريسول كاسادو جانە تاعى باسقا دا تانىمال سپورت تۇلعالارى. كوميسسياعا حوك مۇشەسى ءارى امەريكاارالىق دامۋ بانكىنىڭ باسشىسى, بۇكىلالەمدىك ەكونوميكالىق فورۋم قورى باسقارماسىنىڭ مۇشەسى, كولۋمبيالىق مورەنو لۋيس البەرتو جەتەكشىلىك ەتەدى.
قازاقستان ۇوك باسشىسى 24 مامىر كۇنى لوزاننادا (شۆەيتساريا) وتەتىن ۇلتتىق وليمپيادالىق كوميتەتتەر قاۋىمداستىعى (ۇوكق) اتقارۋشى كوميتەتىنىڭ 78-ءشى وتىرىسىنا قاتىسادى دەپ جوسپارلانۋدا.
ەسكە سالا كەتەيىك, بىلتىر جىل سوڭىندا وتكەن ۇوكق باس اسسامبلەياسىنىڭ وتىرىسىندا ت. ق ۇلىباەۆتى 2022 جىلعا دەيىنگى ۇوكق اتقارۋشى كوميتەتىنىڭ مۇشەسى ەتىپ تاعايىنداعان بولاتىن. ۇمىتكەرلەر الەمدەگى بارلىق 206 ۇوك اراسىنان قاراستىرىلدى. اتقارۋشى كوميتەت قۇرامىنا قۇرلىقتىق قاۋىمداستىقتار ۇسىنعان 24 ماڭىزدى سپورتتىق فۋنكتسيونەر ەنگەن بولاتىن. سونداي-اق, تيمۋر ق ۇلىباەۆ ازيا وليمپيادالىق كەڭەسىنىڭ ۆيتسە-پرەزيدەنتى. ول وسى قىزمەتىنە بيىلعى مامىردا قايتا تاعايىندالدى.