«Ultra 70» سايىسىندا رەسەيلىك مارينا ابىلداەۆا ءوزىنىڭ بىلتىرعى جىلعى كورسەتكىشىن جاقسارتىپ, جاڭا رەكورد قويدى. العاش رەت ايەل ادام جالپى توپتىڭ اراسىنان مارە سىزىعىن ەكىنشى بولىپ قيىپ ءوتتى. ول تەك كوشباسشى نۋرادين يۋسۋپوۆتان (ۋاقىتى: 06 ساعات. 40مينۋت 50سەكۋند ) عانا قالىپ قويدى. ال ايەلدەر اراسىندا العاشقى ءۇش ورىننىڭ بارلىعىن شەتەلدىك سپورتشىلار يەلەندى. ولار – رەسەيلىك مارينا ابىلداەۆا (ۋاقىتى: 06 ساعات 52 مينۋت 53 سەكۋند), ۋكراينالىق وكسانا ريابوۆا (ۋاقىتى: 07 ساعات 02مينۋت 15 سەكۋند) جانە ۇلىبريتانيالىق دجو ميك (ۋاقىتى: 07 ساعات, 17مينۋت 52سەكۋند).
«Sprint 15» سايىسىندا ۋكراينانىڭ وكىلى اناستاسيا چيورنايا جاڭا رەكورد ورناتتى – 01 ساعات 02مينۋت 59 سەكۋند. بۇل – وسى جارىستاعى ەرلەردىڭ ناتيجەسىمەن پارا-پار.
ۇلىبريتانيادان كەلگەن دجو ميك كاسىپقوي سپورتشى. «Scott Running» كومانداسى ساپىندا ونەر كورسەتەتىن ول «TENGRI ULTRA» دوداسىنىڭ ۇيىمداستىرۋ دەڭگەيىن اسا جوعارى باعالادى. جەلاياقتىڭ ايتۋىنشا, ايتۋلى دودا «International Trail Running Association» حالىقارالىق ۇيىمىنىڭ بەكىتكەن تالاپتارىنا ساي ءوتتى.
- مەن بۇعان دەيىن ەۋروپا, سولتۇستىك امەريكا جانە ازيا قۇرلىقتارىنىڭ اۋماعىندا وتكەن كوپتەگەن حالىقارالىق دودالارعا قاتىستىم. ال قازاقستانعا العاش رەت كەلۋىم. ونداعى ماقسات – «TENGRI ULTRA» جارىسىنا قاتىسۋ ەدى. اياقالىسىم جامان بولعان جوق. ايەلدەر سايىسىندا ءۇشىنشى ورىندى يەلەندىم. كۇن ىستىق بولدى. قارسىلاستارىم دا جاقسى دايارلانعان ەكەن. جەكە ءوز باسىم, وسى جەردىڭ ادەمى تابيعاتىنا تامساندىم», – دەپ دجو ميك اعىنان جارىلدى.