«Astana Musical» مەملەكەتتىك تەاترى قىزىلوردا قالاسىنا گاسترولدىك ساپارىمەن بولدى. تەاتردىڭ جاڭا تۋىندىلارى جايىندا وڭىرلىك كوممۋنيكاتسيالار قىزمەتىندە وتكەن ءباسپاسوز كونفەرەنتسياسىندا «Astana Musical» مەملەكەتتىك تەاترىنىڭ اكىمشىسى جۇماجان جۇلقاش بايانداپ بەردى.
ن.بەكەجانوۆ اتىنداعى قازاق مۋزىقالىق دراما تەاترىندا ءۇش قويىلىمنان تۇراتىن «قىز جىبەك» ەتنو-فولكلورلىق ميۋزيكلى, «عاشىق جۇرەك» پوەتيكالىق-مۋزىكالىق قويىلىمى جانە «ءشامشى» ميۋزيكلى قويىلدى.
«Astana Musical» مەملەكەتتىك تەاترىنىڭ باستى ەرەكشەلىگى - شىعارماشىلىق قۇرامىنىڭ ءجۇز پايىزى جاستاردان قۇرالعان.
- قۇرىلعانىنا ءۇش جىل بولعان جاس تەاتر وسى كۇنگە دەيىن «قىز جىبەك» ميۋزيكلىمەن بەرلين (گەرمانيا) – پاريج (فرانتسيا) – ۆەنا (اۆستريا) -بريۋسسەل (بەلگيا) - ماسكەۋ (رەسەي) بەس مەملەكەتكە گاسترولدىك تۋرنە جاسادى. قازاقستاننىڭ كوپتەگەن وبلىستارىندا گاسترولدىك ساپارلاردا دا بولىپ, ونەرسۇيەر قاۋىمنىڭ ىقىلاسىنا بولەندى,-دەدى جۇماجان اماندىق ۇلى.