8 ماۋسىمدا اقش-تىڭ نيۋ-يورك قالاسىنداعى ايگىلى «Madison Square Garden» ارەناسىندا قازاقستاننىڭ ايگىلى كاسىپقوي بوكسشىسى گەننادي گولوۆكيننىڭ ءالى ەشكىمنەن جەڭىلمەگەن كانادالىق ستيۆ روللسپەن كۇش سىناساتىنى بەلگىلى.
وسى كەشتە شارشى الاڭعا شىعاتىن ەلىمىزدىڭ تاعى ءبىر ورەنى – ءالي احمەدوۆتىڭ كىممەن جۇدىرىقتاساتىنى بەلگىلى بولدى. ەكىنشى ورتا سالماقتاعى جەرلەسىمىز تاجىريبەلى ابراحام حانمەن ايقاسادى. 34 جاستاعى اقش-تىڭ وكىلى 2007 جىلدان بەرى كاسىپقوي رينگتە ونەر كورسەتۋدە. سول ارالىقتا 31 كەزدەسۋ وتكىزىپ, 26 رەت جەڭىسكە جەتتى. 16 قارسىلاسىن ايقىن باسىمدىقپەن ۇتتى. 4 رەت ۇتىلىپ, تاعى ءبىر باسەكەدە تەڭ ەسەپ تىركەلدى. حان UBF نۇسقاسى بويىنشا التىن بەلبەۋدىڭ يەگەرى.
سونداي-اق, نيۋ-يوركتەگى بوكس كەشىندە گەننادي گولوۆكين مەن ءالي احمەدوۆتەن بولەك, قازاقستاننىڭ تاعى ءبىر داڭقتى بىلعارى قولعاپ شەبەرى دانيار ەلەۋسىنوۆ تە ونەر كورسەتەدى.