جاستار ورتالىعى اشىلدى

مۇندا IT-park, انتيكافە, ينتەرنەت, كىتاپحانا, جاتتىعۋ زالى تاۋلىك بويى جۇمىس ىستەيتىن بولادى.

قىزىلوردا وبلىسىنىڭ اكىمى قىرىمبەك كوشەرباەۆ وبلىس جاستارىن زاماناۋي رەسۋرستىق ورتالىقتىڭ اشىلۋىمەن قۇتتىقتادى.

«ارينە, اعا ۇرپاقتىڭ ىزگى ءىسى – جاستارعا وڭ تايلى جاعداي جاساۋ. بيىلدىڭ وزىندە ايماقتا مەملەكەتتىك جاستار ساياساتىن جۇزەگە اسىرۋعا 500 ملن-نان اسا قارجى قارالسا, قازاقستان رەسپۋبليكاسىنىڭ تۇڭعىش پرەزيدەنتى, ەلباسى نۇرسۇلتان ءابىش ۇلى نازارباەۆتىڭ جاريالاعان بيىلعى جاستار جىلىنا وراي قوسىمشا 70 ملن. قارجىعا جاڭا باستامالار ءبىرىنشى كەزەكتە قولداۋ تاپتى»,-دەدى ايماق باسشىسى.

جاستار ورتالىعى عيماراتى بيزنەستىڭ الەۋمەتتىك جاۋاپكەرشىلىگى نەگىزىندە «قازگەرمۇناي» بىرىككەن كاسىپورنى» جشس دەمەۋشىلىك قولداۋىمەن پايدالانۋعا بەرىلىپ وتىر.