جۇما, 31 مامىر 2013 2:27
مول سۋ – اۋىلدىڭ ىرىزدىعى
وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ باستاماسى بويىنشا 2009 جىلدان باستاپ شىدەرتى وزەنىنە قانىش ساتباەۆ اتىنداعى ارنادان بوساتىلاتىن سۋ كولەمى ارتا باستادى.
جۇما, 31 مامىر 2013 2:27
مول سۋ – اۋىلدىڭ ىرىزدىعى
وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ باستاماسى بويىنشا 2009 جىلدان باستاپ شىدەرتى وزەنىنە قانىش ساتباەۆ اتىنداعى ارنادان بوساتىلاتىن سۋ كولەمى ارتا باستادى.
ال شىدەرتى وزەنىنە, اقكول جايىلماسىنا, شۇعا, باسقامىس اۋىلدارىنا سۋ كەلسە, حالىق قۋانادى. ءبىر جىلدارى سۋسىز قالعان كۇندەر دە بولدى. ەرتىس – قاراعاندى كانالى سۋدى جوعارى جىبەرە باستاعاندا, شىدەرتى وزەنى بويىمەن تومەنگە جايىلاتىن سۋ ارناسىنا بوگەت قويىلدى. كەڭەس وكىمەتى كەزىندە تابيعي جايىلما ۇنەمى سۋمەن تولتىرىلىپ وتىردى. كانالدى قيىپ تاستاعاننان كەيىن اۋىلدار قاڭسىپ, مال-جان اۋا قارماپ قالعانداي ەدى. سۋ تاپشىلىعى سالدارىنان سول ماڭايدا وتىرعان ەكى بىردەي اۋداننىڭ حالقى قيىندىق كوردى. اۋىلدار تاراپ كەتە جازدادى. جايىلىم قۇرعاپ, مال توقتامايتىن احۋال قالىپتاستى. ۇكىمەت شۇعىل شارا جاسادى. سۋ كەلگەندە, قارتتار كوزدەرىنە جاس الدى. 2004 جىلى جايىلماعا 30 ميلليون تەكشە مەتر سۋ جىبەرىلدى. قازىر جاعداي قانداي؟
«ەگەمەن قازاقستاننىڭ» پاۆلودار وبلىسىنداعى ءتىلشىسى فاريدا بىقاي ەكىباستۇز قالاسى اكىمىنىڭ اۋىل شارۋاشىلىعى ماسەلەلەرى جونىندەگى ورىنباسارى ايناگۇل قۇرمانوۆعا:
– ءسىز بۇعان نە دەيسىز؟– ەكىباستۇز قالاسى اۋماعىنا قاراستى اۋىلداردىڭ قوراسى مالعا تولى. ويتكەنى, ءتىل-كوز تاسقا, قازىر سۋ مول. مال ءوسىرۋ ءۇشىن جەمشوپ قورى, ونى دايىندايتىن جاسىل شابىندىق قاجەت. ۇكىمەتتىڭ 2009 جىلدان باستاپ جىل سايىن ارنادان 100 ميلليون تەكشە مەتر سۋ جىبەرۋ تۋرالى شەشىمىنە اۋىلدار قۋانىشتى. ءتىپتى, بىلتىرعى جەمشوپ قورىنا دەگەن قاجەتتىلىكتەردى ەسكەرە وتىرىپ, الداعى ۋاقىتتا 120 ميلليون تەكشە مەتر سۋ بوساتۋ تۋرالى دا ۇسىنىس ءتۇسىپتى. بۇل ماسەلە الداعى جىلى سۋ رەسۋرستارى كوميتەتىندە قارالماقشى. ەكولوگيالىق جاعداي جاقساردى. جايىلىمدارعا باراتىن سۋ كولەمىنىڭ جىل سايىن كوبەيگەنى – اۋىلدىڭ ىرىسى. كومسومول, سارىقامىس اۋىلدارىنا سۋ بارىپ, شىدەرتى-ولەڭتى اۋماعى, اۋليەكول, شىعاناق, شيقىلداق جانە باسقا دا شاعىن قويمالار سۋعا تولدى. وتكەن جىلداردىڭ قورىتىندىسى بويىنشا سۋ جايىلعان شابىندىقتاردا ءشوپ ونىمدىلىگى ورتاشا ەسەپپەن گەكتارىنا 4 تسەنتنەردەن 19 تسەنتنەرگە دەيىن ارتىپ, مال ازىعى مول جينالدى. ال بيىل ارنادان №112 سۋ بوساتۋ قاقپاسى ارقىلى ەكى مارتە سۋ جىبەرىپ ۇلگەرىلدى. بىلتىرعى جىلى 14 680 گەكتار كولتابانداعى شابىندىقتان جينالعان ءشوپ پىشەن قورىنىڭ 50 پايىزىن قۇرادى. بۇل – 1 گەكتار جەردەن 20-22 تسەنتنەر ءونىم الىندى دەگەن ءسوز. اقكول-جايىلما اۋىلدىق اۋماعىنا قارايتىن جاقسات اۋىلىنا جەر استىنان سۋ تارتاتىن كبم كەشەنى ورناتىلدى. اقكول-جايىلما اۋىلدىق اۋماعى مالعا باي. داستارقاندارى ءسۇت ونىمدەرىنەن قايىسىپ تۇرادى. ءار ءۇيدىڭ قوراسىندا 8-9 قارا مال, 20-30-عا جۋىق قوي, 2-3 جىلقىدان بار. اۋىلدار قالانى دا ەت-سۇتپەن قامتاماسىز ەتۋدە. اتىنا ساي جاقساتتا بىلتىر جاڭا مەكتەپ اشىلدى, سۋ كەلدى, قالامەن اراداعى جول دا جوندەلدى.
پاۆلودار وبلىسى.