قازاقستان پرەزيدەنتى قاسىم-جومارت توقاەۆ حالىقارالىق تۇركى اكادەمياسىنىڭ پرەزيدەنتى دارحان قىدىرالىنى قابىلدادى. بۇل تۋرالى اقوردانىڭ ءباسپاسوز قىزمەتى حابارلادى.
مەملەكەت باسشىسىنا حالىقارالىق تۇركى اكادەمياسىنىڭ اتقارىپ جاتقان جۇمىستارى مەن جاقىندا يۋنەسكو اياسىندا نۇر-سۇلتان قالاسىندا وتەتىن ۇلى دالا وركەنيەتىنە قاتىستى حالىقارالىق فورۋمعا دايىندىق بارىسى مالىمدەلدى. سونىمەن قاتار, بيىل جارىق كورگەنىنە 100 جىل تولاتىن «ەگەمەن قازاقستان» رەسپۋبليكالىق گازەتىنىڭ عاسىرلىق مەرەيتويىنا قاتىستى شىعارىلعان كىتاپتار تانىستىرىلدى.
قاسىم-جومارت توقاەۆ كەزدەسۋ سوڭىندا اتقارىلىپ جاتقان ىستەرگە جوعارى باعا بەرىپ, وسى باعىتتاعى جۇمىستاردى جالعاستىرۋ ءۇشىن بىرقاتار ناقتى تاپسىرمالار بەردى.