سەيسەنبى, 12 ناۋرىز 2013 11:56
ءسۇت ساپالى بولۋى ءۇشىن مال وسىرەتىن شارۋاشىلىقتار جۇمىسىنا قاتاڭ باقىلاۋ ورناتۋىمىز قاجەت, دەپ جازادى Kapital.kz «قازاقستان ءسۇت وداعى» ديرەكتورى ورىنباسارىنىڭ مىندەتىن اتقارۋشى ليديا ميحەەۆانىڭ كەلتىرگەن دەرەگىنە سۇيەنىپ ل. ميحەەۆانىڭ ايتۋىنشا, قىرعىزستاندا وندىرىلگەن ءسۇتتىڭ ساپاسىنا بايلانىستى, ونداعى ءسۇت زاۋىتتارى تەكسەرۋدەن وتكىزىلگەن.
سەيسەنبى, 12 ناۋرىز 2013 11:56
ءسۇت ساپالى بولۋى ءۇشىن مال وسىرەتىن شارۋاشىلىقتار جۇمىسىنا قاتاڭ باقىلاۋ ورناتۋىمىز قاجەت, دەپ جازادى Kapital.kz «قازاقستان ءسۇت وداعى» ديرەكتورى ورىنباسارىنىڭ مىندەتىن اتقارۋشى ليديا ميحەەۆانىڭ كەلتىرگەن دەرەگىنە سۇيەنىپ ل. ميحەەۆانىڭ ايتۋىنشا, قىرعىزستاندا وندىرىلگەن ءسۇتتىڭ ساپاسىنا بايلانىستى, ونداعى ءسۇت زاۋىتتارى تەكسەرۋدەن وتكىزىلگەن. ال نەگىزىندە مال وسىرەتىن شارۋاشىلىقتارداعى ءتورت ت ۇلىك تولىق تەكسەرۋدەن ءوتۋى ءتيىس ەكەن. سەبەبى, اۋرۋ مالدان تاراعان ءسۇت ءونىمى ادام اعزاسىنا زالالىن تيگىزەدى. سونداي-اق, ول شيكى ءسۇت پەن ونى ازىرلەۋدىڭ تەحنولوگياسىندا ءبىراز وزگەشەلىكتىڭ بار ەكەنىن اتاپ ءوتتى.وسى كەزگە دەيىن ايتىلىپ جۇرگەن قۇرعاق ءسۇتتى پايدالانباۋ ماسەلەسى ءالى تولىق شەشىلگەن جوق. تاعى ءبىر نازار اۋدارارلىق ءجايت, ءسۇت ءونىمىن وتكىزۋ بارىسىندا رەتتىلىك جوق. سوندىقتان دا, ءسۇت ونىمىنە قاتىستى كيكىلجىڭ اراگىدىك بوي كوتەرىپ قالادى. قىس ايىنا قاراعاندا, جاز مەزگىلىندە ءسۇت 3-3,5 ەسە ارتىق وندىرىلەدى. جەكەلەگەن شارۋاشىلىقتاردا ءسۇت ساقتايتىن مۇزداتقىش بولماعاندىقتان, ونى دەر مەزگىلىندە وتكىزۋ ىسىندە قيىندىق تۋىنداپ جاتادى. ماسەلەن, بەيرەسمي دەرەك كوزىندە قازاقستاندا جىلىنا 5 ملن. تونناعا جۋىق ءسۇت وندىرىلەتىنى ايتىلعان. سونىڭ 30 پايىزى عانا ءسۇت زاۋىتتارىنا جەتكىزىلەدى ەكەن. ال 20 پايىزىن شارۋالاردىڭ وزدەرى كادەگە جاراتاتىن كورىنەدى. قالعانى ەش وڭدەۋدەن وتپەي, كوشە بويىندا ساتىلۋدا. اششى شىندىقتىڭ استارىن زەردەلەيتىن قۇزىرلى ورىن بەيرەسمي اقپاراتتىڭ شىنايىلىعىنا ءتيىستى باعاسىن بەرەدى دەپ ويلايمىز.
ءامىرحان الماعانبەتوۆ.