ورال قالاسىندا قازاقستان حالقىنىڭ بىرلىگى كۇنىنە ارنالعان مەرەكەلىك شەرۋ ءوتتى. جىلداعى داستۇرگە سايكەس, بۇل كۇنى ءتۇرلى مەكەمە مەن كاسىپورىن ۇجىمدارى وبلىس ورتالىعىنىڭ باس كوشەسى – نۇر-سۇلتان داڭعىلىنا شىقتى.
ۇلتتىق-مادەني ورتالىقتار, ارداگەرلەر, جاستار ۇيىمدارى, قالا تۇرعىندارى قاتىسقان مەرەكەلىك شەرۋگە 50 مىڭنان اسا ادام كەلگەنى حابارلاندى. شەرۋ سوڭى اباي الاڭىندا مەرەكەلىك كونتسەرتكە جالعاستى.
باتىس قازاقستان وبلىسىنىڭ اكىمى التاي كولگىنوۆتىڭ ايتۋىنشا, وڭىردە 90-نان استام ۇلت پەن ۇلىس وكىلى تاتۋ ءتاتتى تۇرىپ جاتىر. باتىس قازاقستان وبلىستىق قازاقستان حالقى اسسامبلەياسى ۇيىمىنا قاراستى 53 ەتنومادەني بىرلەستىك ۇلتارالىق تاتۋلىق پەن بىرلىك جولىندا ۇيىمشىلدىقپەن قىزمەت ەتۋدە.
- قاسيەتتى اقجايىق ولكەسىن جاڭا بەلەسكە شىعارىپ, تاۋەلسىزدىگىمىزدى ماڭگى ەتەتىن – ءبىزدىڭ اۋىزبىرشىلىگىمىز. وسى قۇندىلىقتى كوزدىڭ قاراشىعىنداي ساقتاۋىمىز كەرەك, - دەدى التاي كولگىنوۆ.
سۋرەتتى تۇسىرگەن تەمىربولات توقمامبەتوۆ
باتىس قازاقستان