باسپانالار ينفراقۇرىلىمى دامىعان, ەكونوميكالىق,الەۋمەتتىك الەۋەتى جوعارى 150-گە جىق ەلدى مەكەندە بوي كوتەرەدى. ەگەر كوشىپ كەلگەن وتباسى باسقا ءۇيدى ساتىپ السا نەمەسە جالداسا, مەملەكەت ولارعا 600 مىڭ تەڭگەگە دەيىن شىعىنىن قايتارىپ بەرەدى. بۇعان قوسا ءار وتباسى ءۇشىن دەمەۋقارجى قاراستىرىلعان. ماسەلەن, 5 ادامنان تۇراتىن وتباسىعا 450 مىڭ تەڭگە تولەنەدى.
ىشكى كوشى-قون ۇدەرىسىن رەتتەۋ, تەرىسكەي جاقتاردا دەموگرافيالىق احۋالدى رەتتەۋ, ماماندار تاپشىلىعىن جويۋ ماقساتىمەن قابىلدانعان مەملەكەتتىك باعدارلاما جۇزەگە اسىرىلعالى ماعجان ەلىنە 700 وتباسى كوشىپ كەلىپ, ءتۇرلى الەۋمەتتىك قولداۋلارعا يە بولدى. قازىر ولاردىڭ باسىم كوپشىلىگى اۋىلشارۋاشىلىق, ءبىلىم بەرۋ, دەنساۋلىق ساقتاۋ, كاسىپكەرلىك سالالاردا ەڭبەك ەتەدى. بيىل 2,5 مىڭ ادامدى قونىستاندىرۋ بەلگىلەنگەن
«كوشىپ كەلۋشىلەرگە بىرنەشە تالاپ قويىلادى. اتاپ ايتقاندا, ءار وتباسىدا 3-4 بالا بولۋ قاجەت. دارىگەر, اگرونوم, تراكتورشى, كومباينشى سەكىلدى ماماندىق يەلەرىنە باسىمدىق بەرىلەدى. وسى تالاپتار ورىندالعان جاعدايدا سۋ جاڭا كوتتەدج كىلتى تابىس ەتىلەدى. مەكتەپتەر مەن بالاباقشالار جەتكىلىكتى», دەيدى قۇمار ىرگەباي ۇلى.