اۋستريانىڭ فەدەرالدىق ىشكى ىستەر مينيسترلىگىنەن كەلگەن ساراپشىلار قازاقستاننىڭ ۇلتتىق قاۋىپسىزدىك كوميتەتى شەكارا قىزمەتىنىڭ وفيتسەرلەرىنە ارنالعان ارنايى باعدارلامانى ازىرلەدى. قاتىسۋشىلار قاعاز ءوندىرىس پروتسەسىن, قاعازعا ەنگىزىلەتىن قاۋىپسىزدىك ەلەمەنتتەرىن, سونداي-اق قورعانىش ەلەمەنتتەرى قوسىلعان سيالاردى جانە ءارتۇرلى باسپا تەحنولوگيالارىن زەرتتەدى. ساراپشىلار 200-گە جۋىق شىن جانە جالعان جول ءجۇرۋ قۇجاتتارىن كورسەتتى, جانە دە وسى قۇجاتتاردا قورعانىش ەلەمەنتتەردى انىقتاۋدىڭ جولدارىن تالقىلادى.
تاجىريبەلىك جاتتىعۋلار قاتىسۋشىلارعا الەمنىڭ كوپتەگەن ەلدەرىنىڭ بانكنوتالارىمەن جۇمىس ىستەۋگە مۇمكىندىك بەردى. ساراپشىلار قاتىسۋشىلارعا ارنايى ۇلكەيتكىش پريبورلاردى, ساندىق ميكروسكوپتاردى جانە «دوكۋبوكس» پريبورىن جاڭادان العان بىلىمدەرىن جاتتىقتىرۋ ءۇشىن ۇسىندى. قۇجاتتاردى قاراستىرۋدا ەڭ ۇزدىك پراكتيكالاردى زەرتتەۋگە قوسا, بولاشاق ينسترۋكتورلارعا باسقالاردى وسى تۇجىرىمدامالاردى قالايشا دۇرىس وقىتۋ جولدارى بويىنشا كەڭەستەر بەرىلدى. ءىس-شارا ينسترۋكتورلاردى قورىتىندى دايىنداۋ ءۇشىن تاعى ەكى اپتالىق كۋرسپەن تولىقتىرىلاتىن بولادى.
ءىس-شارانى نۇر-سۇلتانداعى ەقىۇ باعدارلامالار ءوفيسى نۇر-سۇلتانداعى اقش ەلشىلىگىنىڭ حالىقارالىق ەسىرتكىمەن كۇرەس جانە زاڭدىلىقتى ساقتاۋ باعدارلاماسىمەن, زاڭسىز ەسىرتكى, پسيحوتروپتىق زاتتار مەن پرەكۋرسورلاردىڭ اينالىمىنا قارسى كۇرەس ورتالىق ازيا وڭىرلىك اقپاراتتىق ۇيلەستىرۋشى ورتالىعىمەن, سونداي-اق ۇلتتىق قاۋىپسىزدىك كوميتەتىنىڭ شەكارا قىمەتىمەن تىعىز ىنتىماقتاستىقتا ۇيىمداستىردى. كۋرستى ەقىۇ ترانسۇلتتىق قاۋىپ-قاتەرلەر دەپارتامەنتىنىڭ جول ءجۇرۋ قۇجاتتارىنىڭ قاۋىپسىزدىگى بويىنشا باعدارلاماسى قولدادى.