بۇل تۋرالى فيلولوگيا عىلىمدارىنىڭ دوكتورى, پروفەسسور, قازاقستان رەسپۋبليكاسى ۇلتتىق عىلىم اكادەمياسىنىڭ اكادەميگى, ل.ن. گۋميلەۆ اتىنداعى ەۋرازيالىق ۇلتتىق ۋنيۆەرسيتەتى قازاق ادەبيەتى كافەدراسىنىڭ مەڭگەرۋشىسى, لينگۆيستيكالىق كوميسسيانىڭ مۇشەسى سەيىت قاسقاباسوۆ: - بۇگىنگى لينگۆيستيكالىق كوميسسيانىڭ وتىرىسىنا قازاقستان رەسپۋبليكاسىنىڭ پرەزيدەنتتىگىنە كانديدات دانيا ەسپاەۆا كەلدى. ول ەل كونستيتۋتسياسىنىڭ 41-بابىنىڭ 2-تارماعىنا سايكەس "اق جول" قازاقستان دەموكراتيالىق پارتياسى قوعامدىق بىرلەستىگى اتىنان ۇسىنىلعان. ليگۆيستيكالىق كوميسسيا قۇرامى تولىق قۇرامدا بولدى. مەملەكەتتىك ءتىلدى ەركىن مەڭگەرگەندىگىن انىقتاۋ ادەتتەگىدەي ءۇش كەزەڭنەن تۇردى. ءبىرىنشى كەزەڭدەگى جازباشا جۇمىسقا كانديدات " ۇلى دالانىڭ جەتى قىرى" اتتى تاقىرىپتى تاڭداپ الدى. ەكىنشى تاقىرىپقا اقىن مۇقاعالي ماقاتەۆتىڭ "امانات" اتتى كىتابىن تاڭداپ الدى. ءۇشىنشى تاپسىرما بويىنشا 15 مينۋت ءسوز سويلەۋ كەرەك. كانديدات بۇعان "قوعام جانە دەموكراتيا" اتتى تاقىرىپتى تاڭداپ الدى.
كانديدات ەمتيحان تاپسىرۋعا بەرلىگەن ۋاقىتتى تولىقتاي پايدالاندى. لينگۆيستيكالىق كوميسسيا قازاقستان رەسپۋبليكاسىنىڭ پرەزيدەنتتىگىنە ۇمىتكەر ەسپاەۆا دانيا ماديقىزىنىڭ جۇمىستارىن جان-جاقتى تالداپ, مىناداي قورىتىندىعا كەلدى: كانديدات دانيا ەسپاەۆا ءبىرىنشى تاپسىرما بويىنشا " ۇلى دالانىڭ جەتى قىرى" تاقىرىبىن جان-جاقتى جەتىك ءارى تەرەڭ اشىپ جازعان. سالاۋاتتى, ساۋاتتى دا تالداۋ جاساعان. ەكىنشى تاقىرىپ بويىنشا اقىن مۇقاعالي ماقاتاەۆتىڭ ەكى ولەنىڭ وقىدى. ولەڭدەردى وتە جاقسى وقىدى. قازاق ءتىلىنىڭ نورمالارى بويىنشا ويىن انىق تا, جەتىك جەتكىزە ءبىلدى. ءسويتىپ قازاق ءتىلىن جاقسى مەڭگەرگەندىگىن كورسەتتى. ءۇشىنشى تاپسىرما بويىنشا, ياعني قوعام جانە دەموكراتيا" تاقىرىبىنا ساي وتە جاقسى سويلەپ شىقتى. ساياسي, مادەني جاعىنان دا وتە ساۋاتتى ەكەنىن تانىتتى. ءبىزدىڭ سۇراقتارىمىزعا لايىقتى جاۋاپ بەردى. دەمەك, بۇل تاقىرىپ بويىنشا دا مەملەكەتتىك ءتىلدى جاقسى مەڭگەرگەن دەپ جوعارى باعالادىق. سونىمەن لينگۆيستيكالىق كوميسسيانىڭ باعالاۋ ناتيجەسى بويىنشا, قازاقستان رەسپۋبليكاسىنىڭ پرەزيدەنتتىگىنە كانديدات دانيا ەسپاەۆا مەملەكەتتىك ءتىلدى ەركىن مەڭگەرگەن دەگەن قورىتىندىعا كەلدى, دەپ ءسوزىن ءتۇيدى.