ءىس-شاراعا جوعارى سىنىپ وقۋشىلارى, ح. دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتى اسكەري كافەدراسىنىڭ ستۋدەنتتەرى مەن اتىراۋ قالاسىنداعى اسكەري-تەحنيكالىق مەكتەپتىڭ كۋرسانتتارى شاقىرىلدى. وسكەلەڭ ۇرپاق ءۇشىن وقۋ كورسەتىلىمدى ورىندار ورىستەتىلدى. وندا ولار اسكەري كيىم ۇلگىلەرى جانە اسكەريلەردىڭ ەكيپيروۆكاسى, اسكەري تەحنيكا جانە قارۋ-جاراقپەن, دالالىق جورىقتار كەزىندەگى تۇرۋ جاعدايى, ارميالىق اسحانانىڭ تاعام راتسيونىمەن تانىستى.
ودان باسقا, ولارعا ساپتىق جانە دەنە دايارلىعىنىڭ ەلەمەنتتەرى, قويان-قولتىق ۇرىس پەن رحبق (رادياتسيالىق, حيميالىق جانە بيولوگيالىق قورعاۋ) بويىنشا ەلەمەنتتەر كورسەتىلدى.
اسكەري بولىمدەردىڭ تاربيەشى وفيتسەرلەرى اسكەري قىزمەتشىلەردىڭ تىنىسى مەن تۇرمىسى, اسكەري قىزمەت وتكەرۋ ءتارتىبى جانە ورىندالاتىن وقۋ-جاۋىنگەرلىك تاپسىرمالار تۋرالى ايتىپ بەردى. شارا سوڭىندا كەزدەسۋ ۇيىمداستىرۋشىلارى قوناقتارمەن اسكەري-سپورتتىق ەستافەتا وتكىزدى. ونىڭ قورىتىندىسى بويىنشا ح. دوسمۇحامەدوۆ اتىنداعى امۋ اسكەري كافەدراسى ستۋدەنتتەرىنىڭ كومانداسى جەڭىسكە جەتتى.
سونداي-اق وبلىستاعى جاس ۇرپاققا اسكەري-پاتريوتتىق تاربيە بەرۋدە بەلسەنە اتسالىسىپ جۇرگەن العاشقى اسكەري دايىندىقتىڭ وقىتۋشىلارى العىس حاتتارمەن جانە گراموتالارمەن ماراپاتتالدى.
- 2019 جىل ەلىمىزدە جاستار جىلى بولىپ جاريالاندى جانە اشىق ەسىك كۇندەرىنىڭ وتكىزىلۋى ارمياعا ءوڭىرىمىزدىڭ جاستارى مەن جالپى ازاماتتىق قوعامعا بارىنشا اشىق بولۋعا مۇمكىندىك بەرەدى. بۇل وسكەلەڭ ۇرپاقتى پاتريوتيزم رۋحىندا تاربيەلەۋگە جانە اسكەري كاسىپكە قۇرمەت كورسەتۋگە, بوزبالالاردى قارۋلى كۇشتەر قاتارىندا قىزمەت ەتۋگە دايىنداۋعا ىقپال ەتەدى, دەيدى شتاب باستىعى – «باتىس» وڭىرلىك قولباسشىلىعى اسكەرلەرى قولباسشىسىنىڭ ءبىرىنشى ورىنباسارى پولكوۆنيك ن. الدياروۆ.
ماڭعىستاۋ وبلىسى