ب.مىرزاكەروۆ 1975 جىلى دۇنيەگە كەلگەن. ءال-فارابي اتىنداعى قازاق ۇلتتىق ۋنيۆەرسيتەتىن بىتىرگەن. پروكۋراتۋرا ورگاندارىنداعى قىزمەتىن 1997 جىلى باس اسكەري پروكۋراتۋراسى قاپشاعاي گارنيزونى اسكەري پروكۋرورىنىڭ كومەكشىسى بولىپ باستاعان.
ءار جىلدارى شىمكەنت گارنيزونى اسكەري پروكۋرورىنىڭ ورىنباسارى, سارىوزەك اسكەري وكرۋگى اسكەري پروكۋرورىنىڭ ورىنباسارى, وسكەمەن, قاپشاعاي گارنيزوندارىنىڭ اسكەري پروكۋرورى, باس اسكەري پروكۋروردىڭ ورىنباسارى, پاۆلودار وبلىسى پروكۋرورىنىڭ ورىنباسارى بولىپ ىستەگەن.
2018 جىلدىڭ مامىرىنان قر باس پروكۋراتۋراسى زاڭدى كۇشىنە ەنگەن ۇكىمدەردىڭ زاڭدىلىعىن جانە ولاردىڭ ورىندالۋىن قاداعاۋلاۋ قىزمەتىنىڭ باستىعى بولعان. پروكۋراتۋرا ورگاندارىنداعى جۇمىس ءوتىلى 21 جىلدان كوپ. اعا ادىلەت كەڭەسشىسى اتاعى بار.
مەملەكەت باسشىسىنىڭ جارلىعىمەن ءىى دارەجەلى «داڭق» وردەنىمەن ماراپاتتالعان.