«پراۆوپوريادوك» جەدەل-پروفيلاكتيكالىق شارالار بارىسىندا مەڭدىعارا اۋدانىنداعى قاسقات سەلوسىندا ۋكراينالىق 11 ازاماتتىڭ وسىندا جۇمىس ىستەۋى ءۇشىن ءتيىستى وكىلەتتى ورگاندار رۇقساتىن الماعانى انىقتالدى. شەتەلدىكتەر قازاقستان رەسپۋبليكاسىنىڭ حالىقتىڭ كوشى-قونى تۋرالى زاڭىن بۇزعان. ولار تۋرالى اكىمشىلىك ءىس مەڭدىعارا اۋداندىق سوتىنا جىبەرىلدى.
ۋكراينالىق ازاماتتار مۇنان باسقا شەكارالىق ايماقتا شەكارالىق رەجيمدى بۇزعانى ءۇشىن اكىمشىلىك جاۋاپكەرشىلىككە تارتىلىپ, ولارعا 5 ايلىق ەسەپتىك كورسەتكىش كولەمىندە ايىپپۇل سالىندى. جەدەل-پروفيلاكتيكالىق شارانىڭ العاشقى كۇنى-اق وبلىس وڭىرىندە اكىمشىلىك كودەكسىنىڭ 517-بابى بويىنشا شەتەلدىكتەردىڭ جانە قازاقستان ازاماتتىعى جوق ادامداردىڭ كوشى-قون زاڭناماسىن بۇزعانى جونىندە 32 ءىس تىركەلدى. ولاردىڭ بارلىعى تمد ەلدەرىنىڭ ازاماتتارىنا قاتىستى بولدى.