بۇل ورايدا وتىرىستى اشقان ورتالىق سايلاۋ كوميسسياسىنىڭ توراعاسى بەرىك يماشەۆ 2019 جىلدىڭ 9 ماۋسىنا تاعايىندالعان قازاقستان رەسپۋبليكاسى پرەزيدەنتىن كەزەكتەن تىس سايلاۋىندا قازاقستان رەسپۋبليكاسىنىڭ پرەزيدەنتتىگىنە كانديدات قاسىم-جومارت كەمەل ۇلى توقاەۆتىڭ قازاقستان رەسپۋبليكاسىنىڭ كونستيتۋتسياسىندا جانە "قازاقستان رەسپۋبليكاسىنداعى سايلاۋ تۋرالى" كونستيتۋتسيالىق زاڭىندا وعان قويىلعان تالاپتارعا سايكەستىگىن انىقتاۋ تۋرالى بايانداما جاساۋ ءۇشىن ءسوز تىزگىنىن ورتالىق سايلاۋ كوميسسياسىنىڭ حاتشىسى ءسابيلا مۇستافيناعا بەردى.
بايانداماشى 2019 جىلعى 25 ساۋىردە ورتالىق سايلاۋ كوميسسياسى قازاقستان رەسپۋبليكاسىنىڭ پرەزيدەنتتىگىنە كانديدات قاسىم-جومارت كەمەل ۇلى توقاەۆتىڭ وزىنە كونستيتۋتسيادا جانە «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭىندا قويىلعان تالاپتارعا سايكەستىگىن انىقتاۋ تۋرالى قاۋلىنى قابىلدادى, دەدى. ودان ءارى ول, ياعني 2019 جىلعى 23 ساۋىردە «قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسى كونستيتۋتسيالىق زاڭىنىڭ 55-بابىنا سايكەس «Nur Otan» پارتياسى» قوعامدىق بىرلەستىگى قاسىم-جومارت كەمەل ۇلى توقاەۆتى قازاقستان رەسپۋبليكاسىنىڭ پرەزيدەنتتىگىنە كانديدات رەتىندە ۇسىنۋىنا بايلانىستى ونىڭ ءتيىستى قۇجاتتارىن قازاقستان رەسپۋبليكاسى ورتالىق سايلاۋ كوميسسياسىنا ۇسىنعانىن جەتكىزدى. وندا «Nur Otan» پارتياسى» قوعامدىق بىرلەستىگىنىڭ جوعارعى ورگانى وتىرىسىنىڭ قاسىم-جومارت كەمەل ۇلى توقاەۆتى قازاقستان رەسپۋبليكاسىنىڭ پرەزيدەنتتىگىنە كانديدات رەتىندە ۇسىنۋ تۋرالى حاتتاماسىنان ءۇزىندى كوشىرمە, ورتالىق سايلاۋ كوميسسياسىنىڭ شوتىنا سايلاۋ جارناسىنىڭ ەنگىزىلگەنىن كۋالاندىراتىن قۇجات, قاسىم-جومارت كەمەل ۇلى توقاەۆتىڭ ومىرباياندىق دەرەكتەرى, جەكە باسىن كۋالاندىراتىن قۇجاتتىڭ, جوعارى وقۋ ورنىنداعى ءبىلىمى تۋرالى ديپلومدارىنىڭ كوشىرمەلەرى جانە مەملەكەتتىك قىزمەتتە نەمەسە مەملەكەتتىك سايلانبالى لاۋازىمدارداعى جۇمىس تاجىريبەسى تۋرالى مالىمەتتەر مەن ونىڭ قازاقستان رەسپۋبليكاسىنىڭ پرەزيدەنتتىگىنە كانديدات رەتىندە تۇسۋگە كەلىسىم بەرگەنى تۋرالى ءوتىنىش قۇجاتتارى بولدى دەدى.
ال 2019 جىلعى 23 ساۋىردە قازاقستان رەسپۋبليكاسى ورتالىق سايلاۋ كوميسسياسىندا قاسىم-جومارت كەمەل ۇلى توقاەۆتىڭ مەملەكەتتىك ءتىلدى ەركىن مەڭگەرگەندىگىن انىقتاۋ جونىندەگى لينگۆيستيكالىق كوميسسيانىڭ وتىرىسى دا ءوتتى. لينگۆيستيكالىق ەمتيحان بارلىق بەلگىلەنگەن كەزەڭدەر بويىنشا وتكىزىلدى.
وتكىزىلگەن ەمتيحاننىڭ ناتيجەلەرى بويىنشا لينگۆيستيكالىق كوميسسيا قازاقستان رەسپۋبليكاسىنىڭ پرەزيدەنتتىگىنە كانديدات قاسىم-جومارت كەمەل ۇلى توقاەۆتىڭ مەملەكەتتىك ءتىلدى ەركىن مەڭگەرگەنى جونىندە شەشىم قابىلدادى.
بايانداماشىنىڭ ايتۋى بويىنشا, ودان ءارى ورتالىق سايلاۋ كوميسسياسى قازاقستان رەسپۋبليكاسىنىڭ پرەزيدەنتتىگىنە كانديدات قاسىم-جومارت كەمەل ۇلى توقاەۆتىڭ كونستيتۋتسيادا جانە «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭدا بەلگىلەنگەن تالاپتارعا سايكەستىگىن تەكسەرۋدە جاردەمدەسۋى ءۇشىن ۋاكىلەتتى مەملەكەتتىك ورگاندارعا سۇراۋ سالىپ, ءتيىستى مالىمەتتەر العان. وسى مالىمەتتەر ناتيجەسىندە ورتالىق سايلاۋ كوميسسياسى قاسىم-جومارت كەمەل ۇلى توقاەۆ: ىشكى ىستەر مينيسترلىگىنىڭ كوشى-قون قىزمەتى كوميتەتىنىڭ مالىمەتتەرى نەگىزىندە تۋمىسىنان رەسپۋبليكا ازاماتى بولىپ تابىلاتىندىعىن, ياعني سوڭعى ون بەس جىل ىشىندە قازاقستاندا تۇراتىنى ناقتى انىقتالعان. بۇل كونستيتۋتسيالىق كەڭەستىڭ «قازاقستان رەسپۋبليكاسى كونستيتۋتسياسىنىڭ 41-بابىنىڭ 2-تارماعىن رەسمي ءتۇسىندىرۋ تۋرالى» 2019 جىلعى 25 ساۋىردەگى № 4 نورماتيۆتىك قاۋلىسىنا ساي كونستيتۋتسيانىڭ 41-بابىنىڭ 2-تارماعىنا سايكەس كەلەدى. جوعارى ءبىلىمى بار ەكەنىن انىقتالعان. ال باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونiندەگi كوميتەتiنىڭ مالىمەتتەرى نەگىزىندە: سوت زاڭمەن بەلگىلەنگەن تارتىپتە وتەلمەگەن نەمەسە الىپ تاستالماعان سوتتالعاندىعى جوقتىعىن; سوت سىبايلاس جەمقورلىق قىلمىس جانە سىبايلاس جەمقورلىق قۇقىق بۇزۋشىلىق ءۇشىن جاۋاپقا تارتپاعانىن جانە بەلسەندى سايلاۋ قۇقىعىنا يە ەكەندىگىن انىقتاعان. سونىمەن قاتار مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ مالىمەتتەرى نەگىزىندە مەملەكەتتىك قىزمەتتە, سونداي-اق سايلانبالى مەملەكەتتىك لاۋازىمداردا كەمىندە 5 جىل جۇمىس تاجىريبەسى بار ەكەندىگى انىقتالعان.
وسىلايشا اتالعان قاۋلىنىڭ 1-تارماعىندا قازاقستان رەسپۋبليكاسىنىڭ پرەزيدەنتتىگىنە كانديدات قاسىم-جومارت كەمەل ۇلى توقاەۆتىڭ قازاقستان رەسپۋبليكاسىنىڭ كونستيتۋتسياسىندا جانە «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭىندا قويىلعان تالاپتارعا سايكەس كەلەتىنى تولىق انىقتالعان. قاۋلىنىڭ 2-تارماعىندا وبلىستاردىڭ, رەسپۋبليكالىق ماڭىزى بار قالالاردىڭ, قازاقستان رەسپۋبليكاسى استاناسىنىڭ سايلاۋ كوميسسيالارىنا قازاقستان رەسپۋبليكاسىنىڭ پرەزيدەنتتىگىنە كانديداتتى قولداپ قول جيناۋعا ارنالعان قول قويۋ پاراقتارىن قاسىم-جومارت كەمەل ۇلى توقاەۆقا بەرۋ تاپسىرىلعان. ال قول جيناۋدى پرەزيدەنتتىككە كانديداتتىڭ سەنىم بىلدىرگەن ادامدارى جۇزەگە اسىرادى جانە ول قول قويۋ پاراقتارىمەن رەسىمدەلەتىنى بەلگىلى, دەپ ءسوزىن اياقتادى بايانداماشى.