كوكپاردا ايتىسكەر اقىن ايتباي جۇماعۇلوۆ باستاعان «الاش», ايتىسكەر اقىن تىلەگەن ءادىلوۆ قۇرعان «سىپاي», ءداستۇرلى ءانشى سەرجان مۇسايىن جەتەكشىلىك ەتكەن «دودا» جانە ءانشى-سازگەر سايات ابدىعاليدىڭ «كوكبورى» كوماندالارى تارتىسقا ءتۇستى.
جۇلدەلى ءۇشىنشى ورىن ءۇشىن بولعان تارتىستى سايىستا «كوكبورى» كومانداسى «الاش» جىگىتتەرىن جەڭىپ كەتتى. ال باس جۇلدە ءۇشىن بولعان تارتىستا «سىپاي» كومانداسى «دودانىڭ» كوكپارشىلارىنان 5:1 ەسەبىمەن باسىم ءتۇسىپ, جەڭىمپاز اتاندى. بۇل سايىستا «سىپايدىڭ» قۇرامىنداعى پالۋان ەرىك ەركەن ۇلى ەرەكشە كوزگە ءتۇسىپ, ءتورت سالىمنىڭ اۆتورى اتاندى.
قاراعاندى وبلىستىق جاستار ساياساتى ماسەلەلەرى جونىندەگى باسقارمانىڭ باسشىسى ميراس قۇتتىباي «دۋماندى دودا» كوكپار ويىنىن ۇيىمداستىرۋشىلاردىڭ ءبىرى ناريمان حاسەنوۆكە العىس ايتىپ, جەڭىمپاز كومانداعا ارنايى تاعايىندالعان كۋبوكتى تابىس ەتتى.
قاراعاندى وبلىسى