«وتكەن كەزەڭدە سۋ تاسقىنى بويىنشا جاعداي بيىل جول كارتاسىن («2017-2020 جىلدارعا ارنالعان سۋ تاسقىنى قاتەرىنىڭ الدىن الۋ جانە جويۋدىڭ كەشەندى شارالارى») ىسكە اسىرۋدىڭ ارقاسىندا ويداعىداي ءوتتى, بۇل شارالار 2020 جىلى اياقتالادى. بۇل - سۋ تاسقىنى كەزەڭىندەگى جەرگىلىكتى اتقارۋشى ورگانداردىڭ پروفيلاكتيكالىق جۇمىستارى. قاراعاندى, اقمولا وبلىستارىندا اۋقىمدى جۇمىستار اتقارىلدى, كەيبىر اۋدانداردا ورىن العان سىني مەجەلەر (ەسك. - جۇرگىزىلگەن جۇمىستار) بىزگە ونى ويداعىداي وتكەرۋگە مۇمكىندىك بەردى, كەيبىر جەكەمەنشىك اۋماقتار سۋ استىندا قالعان بولاتىن. ارنايى قىزمەتتەر شۇعىل شارالار قابىلدادى», — دەدى قر ىشكى ىستەر ءمينيسترىنىڭ ورىنباسارى يۋ. يلين.
25 ساۋىردەگى جاعداي بويىنشا سولتۇستىك قازاقستان وبلىسى باقىلاۋعا الىنعان, وندا 21 ساۋىردە ەسىل وزەنى دەڭگەيىنىڭ كوتەرىلۋى سالدارىنان «چەليابينسك-نوۆوسيبيرسك» رەسپۋبليكالىق ماڭىزى بار اۆتوجولىنىڭ جول توسەمى ارقىلى سۋ ءجۇردى. زارەچنىي كەنتىندەگى (پەتروپاۆل قالاسىنىڭ اۋماعىندا) تۇرعىن ۇيلەرگە قاۋىپ جوق. پاۆلودار وبلىسى دا ءشۇلبى سۋ قويماسىنان جوسپارلى سۋ اعىزىلۋىنا بايلانىستى باقىلاۋدا تۇر.
«پاۆلودار وبلىسىندا ەرتىس وزەنىنىڭ بويىندا ورنالاسقان ەلدى مەكەندەردى سۋ باسۋعا جول بەرمەۋ ماقساتىندا قولدا بار قورعانىس قۇرىلىستارى مەن ۇيىندىلەردى نىعايتۋ بويىنشا جۇمىستار جۇرگىزىلدى, باقىلاۋ بەكەتتەرى ورناتىلدى, سۋ باسۋى ىقتيمال ايماققا كىرەتىن 9 ەلدى مەكەن انىقتالدى, تۇرعىندار حاباردار ەتىلدى», — دەپ اقپاراتتاندىردى يۋ. يلين.
ونىڭ ايتۋىنشا, وتكەن جىلمەن سالىستىرعاندا, بيىل سۋ تاسقىنى جاعدايى تۇراقتى, قانداي دا ءبىر قيىندىقتارسىز ءوتتى, تەك ناۋرىز ايىنىڭ سوڭى مەن ءساۋىر ايىنىڭ باسىندا اقمولا وبلىسىندا عانا تۇراقسىز جاعداي ورىن العان ەدى.
جەدەل تۇردە وسى ۇيلەردىڭ تۇرعىندارىن قاۋىپسىز جەرگە كوشىرۋ بويىنشا ءىس-شارالار جۇرگىزىلدى, سۋ سورىپ شىعارىلدى. قيراعان جانە اپاتتى جاعدايدا تۇرعان ۇيلەر تىركەلگەن جوق.
«جالپى جەرگىلىكتى اتقارۋشى ورگانداردىڭ, ءىىم بولىمشەلەرىنىڭ جانە باسقا دا بىرقاتار مينيسترلىكتەردىڭ جۇرگىزگەن جۇمىستارىنىڭ ارقاسىندا سۋ تاسقىنى بويىنشا جاعداي وتكەن جىلمەن سالىستىرعاندا از شىعىنمەن ءوتىپ جاتىر, ياعني سۋ باسىپ قالعان نەمەسە اۋقىمدى ماتەريالدىق زارداپ شەككەن ۇلكەن اۋماقتار, ەلدى مەكەندەر جوق. جالپى, بۇگىنگى تاڭدا ەل بويىنشا سۋ تاسقىنىنا قاتىستى جاعداي تۇراقتى», — دەدى قر ءىىم ءمينيسترىنىڭ ورىنباسارى.
ايتا كەتەيىك, سۋ تاسقىنى كەزەڭى باستالعانعا دەيىن جانە ونىڭ ءوتۋ كەزەڭىندە تجد جەرگىلىكتى اتقارۋشى ورگاندارمەن بىرلەسىپ ەلدى مەكەندەردى سۋ باسۋعا جول بەرمەۋ بويىنشا شارالار كەشەنىن ورىندادى. 11 مىڭ شاقىرىم ارىقتار مەن ارنالاردى تازالاۋ جۇمىستارى جۇرگىزىلدى. ەلدى مەكەندەردەن 12 ملن تەكشە مەتر قار شىعارىلدى. اۆتوموبيل جولدارىندا 33 مىڭ, تەمىرجول جولداردا 7 مىڭ سۋ وتكىزۋ قۇرىلىستارى تازارتىلدى. سۋ تاسقىنىنىڭ الدىن الۋ جانە سالدارىن جويۋ ءۇشىن 10 مىڭ توننا جانار-جاعارماي, 281 مىڭ توننا ينەرتتى ماتەريال, 1 ملن قاپ جانە 40 توننا جارىلعىش زاتتار قورى دايىندالدى.