ءا. سقاقوۆ 1974 جىلى پاۆلودار وبلىسىندا دۇنيەگە كەلگەن. اقمولا قارجى-ەكونوميكا تەحنيكۋمىن, شاكارىم اتىنداعى سەمەي مەملەكەتتىك ۋنيۆەرسيتەتىن, قازاق قۇقىقتانۋ جانە حالىقارالىق قاتىناستار ينستيتۋتىن, م. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىن تامامداعان.
ەڭبەك جولىن 1991 جىلى باستاعان. 1996–2010 جىلدارى پاۆلودار وبلىسى بويىنشا سالىق كوميتەتىنىڭ قۇرىلىمىندا جۇمىس ىستەگەن. 2008–2010 جىلدارى — پاۆلودار وبلىسى بويىنشا سالىق دەپارتامەنتىنىڭ پاۆلودار قالاسى بويىنشا سالىق باسقارماسىنىڭ باسشىسى. 2010–2012 جىلدارى — قوستاناي وبلىسى بويىنشا سالىق دەپارتامەنتىنىڭ باسشىسى.
2012–2014 جىلدارى — قارجى مينيسترلىگىنىڭ سالىق كوميتەتىنىڭ توراعاسىنىڭ ورىنباسارى. 2014 جىلدان باستاپ استانا قالاسى بويىنشا مەملەكەتتىك كىرىستەر دەپارتامەنتىنىڭ باسشىسى بولىپ جۇمىس ىستەگەن.
2016 جىلعى جەلتوقساننان باستاپ 2019 جىلعى 23 ساۋىرگە دەيىن قورعانىس ءمينيسترىنىڭ ورىنباسارى قىزمەتىن اتقاردى.