2018 جىلى اۋىلدى جەرلەردى سۋمەن جابدىقتاۋ بويىنشا 6 499 اۋىلدىڭ 3 892-ءى نەمەسە بارلىق اۋىلدىڭ 59,9%-ءتى قامتاماسىز ەتىلدى. بۇگىنگى كۇنى اۋىلداردا حالىقتىڭ 84,4%-ءتى نەمەسە 6,5 ملن.ادام ورتالىقتاندىرىلعان سۋعا قول جەتكىزدى.
جالپى, قازاقستان حالقىنىڭ 90,2%-ءتى نەمەسە 16,5 ملن ادام ورتالىقتاندىرىلعان سۋمەن جابدىقتاۋ جۇيەسىنە قوسىلدى.
قالا تۇرعىندارىن ورتالىقتاندىرىلعان سۋمەن قامتاماسىز ەتۋدە ەڭ تومەنگى كورسەتكىش جامبىل (86,6%) جانە اقمولا (86%) وبلىستارىندا بايقالىپ وتىر.
وسىنى ەسكەرە وتىرىپ, 2019 جىلى رەسپۋبليكالىق بيۋدجەتتەن 411 جوبانى ىسكە اسىرۋ ءۇشىن126,5 ملرد.تەڭگە ءبولۋ قاراستىرىلعان (اۋىلدىقجەرلەردە–71,5 ملرد. تەڭگەگە325 جوبا, قالالىق جەرلەردە –55 ملرد. تەڭگەگە 86 جوبا), بۇل 2018 جىلمەن سالىستىرعاندا 33%-كە ارتىق.
مينيسترلىك تۇراقتى تۇردە جوسپارلاۋدىڭ تيىمدىلىگىن ارتتىرۋ جانە شىعىنداردى وڭتايلاندىرۋ جۇمىستارىن جۇرگىزىپ جاتىر.
سونداي-اق, مەملەكەتتىك باعدارلامادا بيۋدجەت قاراجاتىن ۇتىمدى پايدالانۋدى قامتاماسىز ەتۋ ماقساتىندا سۋمەن جابدىقتاۋ جانە سۋ تارتۋ جوبالارىن جوسپارلاۋ, ىرىكتەۋ جانە ىسكە اسىرۋ جۇيەلى تاسىلى كۇشەيتىلدى: قۇجاتتارعا قويىلاتىن تالاپتار تولىقتىرىلدى, بارلىق وڭىردە (جامبىل وبلىسىنان باسقا) 2025 جىلعا دەيىنگى اۋىلدىق جەرلەر بويىنشا كەشەندى جوسپارلار ازىرلەندى, نەگىزگى كريتەريلەرى مەن باسىمدىقتارى ناقتىلاندى.
سونىمەن قاتار, مينيسترلىك كارىزدىك-تازارتۋ قۇرىلىستارىنىڭ جاعدايىنا ەرەكشە كوڭىل بولەدى.
بۇگىنگى تاڭدا ەققدب-دان جەڭىلدەتىلگەن زايم الۋ جانە مەملەكەتتىك-جەكەمەنشىك ارىپتەستىك مەحانيزمى بويىنشا ينۆەستيتسيالاۋعا دايىن ءىرى قۇرىلىس كومپانيالارىنان ۇسىنىستار بار.