قازالى اۋداندىق ورتالىق كىتاپحاناسىندا دۇنيەجۇزىلىك كىتاپ جانە اۆتورلىق قۇقىقتى قورعاۋ كۇنىنە وراي «Kitap Fest – 2019» كىتاپ فەستيۆالى وتكىزىلدى.
فەستيۆال بارىسىندا №1 قازالى قالالىق كىتاپحاناسىنىڭ التىن قورى تانىستىرىلدى. سونىمەن قاتار, كىتاپ قورىنان جاسالعان كىتاپ ينستاللياتسياسى, «عالامتور جانە كىتاپ-عۇمىر» اتتى قويىلىمى, «دانالىق اعاشى» سۇراق-جاۋاپ تانىمدىق ويىنى, «كىتاپتان بەرىلگەن شابىت» اتتى 6-9 سىنىپ وقۋشىلارى اراسىندا ارنايى تاقتادا سۋرەت سالۋ بايقاۋى سىندى قىزىقتى شارالار ۇيىمداستىرىلدى.
كىتاپ فەستيۆالىنە زيالى قاۋىم وكىلدەرى, جاستار, كىتاپحانا وقىرماندارى, مەكتەپ وقۋشىلارى, اۋدان تۇرعىندارى قاتىستى.