كەلىسىم 2018 جىلعى12 تامىزدا اقتاۋ قالاسىندا جاسالعان بولاتىن. كەلىسىمنىڭ باستى ماقساتى كاسپي تەڭىزىندە ازەربايجان رەسپۋبليكاسىنىڭ, يران يسلام رەسپۋبليكاسىنىڭ, قازاقستان رەسپۋبليكاسىنىڭ, رەسەي فەدەراتسياسىنىڭ جانە تۇرىكمەنستاننىڭ قارۋلى كۇشتەرى اسكەري كەمەلەرىنىڭ ءجۇزۋى مەن اۋە كەمەلەرىنىڭ ۇشۋىنىڭ قاۋىپسىزدىگىن قامتاماسىز ەتۋ بولىپ تابىلادى.
كەلىسىم كاسپي تەڭىزىندە, اۋماقتىق سۋلاردان جانە ونىڭ ۇستىندەگى اۋە كەڭىستىگىنەن تىس جەرلەردە ءىس-قيمىل جاسايتىن تاراپتاردىڭ اۋەدەگى جانە سۋداعى اسكەري كەمەلەرىنە قولدانىلاتىن بولادى.
كەلىسىمنىڭ 3-بابىنا سايكەس تاراپتار ءوز اسكەري كەمە كومانديرلەرىنىڭ 1972 جىلعى تەڭىزدە كەمەلەر سوقتىعىسىنىڭ الدىن الۋدىڭ حالىقارالىق قاعيدالارىن مۇلتىكسىز ساقتاۋى بويىنشا شارالاردى قابىلداۋى كەرەك.
تاراپتاردىڭ سۋداعى اسكەري كەمەلەر مەن اۋە كەمەلەرى راديوبايلانىستى ورناتۋ كەزىندە اعىلشىن تىلىندەگى نەمەسە باسقا دا قولايلى تىلدەردە شاقىرۋ بەلگىلەرىن پايدالانادى.
سەناتور سەرىك جاقسىبەكوۆ زاڭ جوباسى كاسپي ماڭى مەملەكەتتەرىنىڭ ءوزارا ءىس-قيمىلىنىڭ نەگىزگى قاعيداتتارىن ىسكە اسىرۋعا باعىتتالعانىن اتاپ ءوتتى.
وتىرىستا سونداي-اق «قازاقستان رەسپۋبليكاسى مەن رەسەي فەدەراتسياسى اراسىنداعى 2013 جىلعى 24 جەلتوقسانداعى قازاقستان رەسپۋبليكاسى مەن رەسەي فەدەراتسياسى اراسىنداعى اسكەري-تەحنيكالىق ىنتىماقتاستىق تۋرالى شارت شەڭبەرىندە بەرىلەتىن اسكەري ماقساتتاعى ءونىمنىڭ بولۋىن جانە نىسانالى پايدالانىلۋىن باقىلاۋدى جۇزەگە اسىرۋ ءتارتىبى تۋرالى كەلىسىمدى راتيفيكاتسيالاۋ تۋرالى» زاڭ جوباسى قارالدى.
كەلىسىم شارت اياسىندا جەتكىزىلەتىن اسكەري ماقساتتاعى ءونىمنىڭ بولۋىن جانە ماقساتتى پايدالانىلۋىن باقىلاۋدى جۇزەگە اسىرۋ ماقساتىندا قازاقستان مەن رەسەي اراسىندا 2017 جىلعى 29 قاراشادا ماسكەۋ قالاسىندا قول قويىلعان بولاتىن.
كەلىسىمنىڭ ءمانى تاراپتاردىڭ شارت بويىنشا جەتكىزىلەتىن اسكەري ماقساتتاعى ءونىمنىڭ بولۋىن جانە ماقساتتى پايدالانىلۋىن باقىلاۋدى جۇزەگە اسىرۋ ءتارتىبى بولىپ تابىلادى.
كەلىسىمنىڭ ەرەجەلەرىنە سايكەس اسكەري ماقساتتاعى ءونىمدى جەتكىزۋشى تاراپ اسكەري ماقساتتاعى ونىمگە باقىلاۋدى جۇزەگە اسىرۋعا:
- ونىمدەردىڭ بولۋىن جانە ماقساتتى پايدالانىلۋىن تەكسەرۋگە;
- قارۋلى كۇشتەردە, باسقا دا اسكەرلەردە, اسكەري قۇرالىمداردا, قۇقىق قورعاۋ ورگاندارىندا جانە ارنايى ورگانداردا ونىڭ ماقساتتى پايدالانىلۋىن راستايتىن قاجەتتى قۇجاتتاردى سالىستىرۋعا;
- جەتكىزىلگەن ءونىمدى ەسەپتەن شىعارۋدىڭ نەگىزدىلىگىن تەكسەرۋگە قۇقىلى.
قازاقستان تاراپىنان كەلىسىمدى ىسكە اسىرۋ جونىندەگى ۋاكىلەتتى ورگاندار قورعانىس مينيسترلىگى مەن تسيفرلىق دامۋ, قورعانىس جانە اەروعارىش ونەركاسىبى مينيسترلىگى, رەسەي تاراپىنان – اسكەري-تەحنيكالىق ىنتىماقتاستىق جونىندەگى فەدەرالدىق قىزمەت بولىپ تابىلادى.
اسكەري ماقساتتاعى ءونىم جەتكىزىلەتىن تاراپتىڭ ۋاكىلەتتى ورگانى وسى ماقساتتار ءۇشىن قالىپتاستىرىلعان ءتيىستى باقىلاۋ توبىن قابىلداۋدان باس تارتۋعا قۇقىلى ەمەس جانە ونىڭ باقىلاۋدى جۇزەگە اسىرۋى ءۇشىن قاجەتتى جاعدايلار جاساۋعا مىندەتتى.
باقىلاۋ 2004 جىلعى 7 شىلدەدەگى قازاقستان مەن رەسەي ۇكىمەتتەرى اراسىنداعى قۇپيا اقپاراتتى ءوزارا قورعاۋ تۋرالى كەلىسىمنىڭ جانە تاراپتاردىڭ اسكەري ماقساتتاعى ءونىم جەتكىزىلەتىن تارتىپتىك تالاپتارىن ساقتاۋ ەرەجەلەرىن ەسكەرە وتىرىپ جۇزەگە اسادى.
وسى كەلىسىمدى راتيفيكاتسيالاۋ ادەتتەگى قارۋ-جاراقتىڭ حالىقارالىق ساۋداسىنا باقىلاۋ ورناتۋ جانە كۇشەيتۋ ارقىلى حالىقارالىق قاۋىپسىزدىكتى نىعايتۋعا, سونداي-اق ولاردى زاڭسىز قايتا باعىتتاۋ مەن زاڭسىز اينالىمىنىڭ جولىن كەسۋگە ىقپال ەتەتىن بولادى.
حالىقارالىق قاتىناستار, قورعانىس جانە قاۋىپسىزدىك كوميتەتىنىڭ مۇشەلەرى سول كۇنى ەلىمىزدىڭ «سىربار» سىرتقى بارلاۋ قىزمەتىنىڭ باسشىلىعىمەن كەزدەستى.
كەزدەسۋ بارىسىندا ۇلتتىق قاۋىپسىزدىكتى قامتاماسىز ەتۋ ماسەلەلەرى تالقىلاندى. مەكەمە باسشىلىعى سەناتورلارعا العا قويىلعان مىندەتتەردى ىسكە اسىرۋ بارىسى تۋرالى حاباردار ەتتى.