العاشقى قازاق گەولوگى, اكادەميك ساتباەۆتىڭ ءومىر جولى, قايراتكەرلىك قىزمەتىمەن تانىستىرۋ ماقساتىندا قورداعى قۇجاتتار, اكادەميكتىڭ ارحيۆىندەگى فوتوقۇجاتتار, زاتتىق دەرەكتەر كەلۋشىلەر نازارىنا ۇسىنىلدى. بۇل اشىلىپ وتىرعان كورمە ەكسپوزيتسياسى ءتورت تاراۋدان تۇرادى. «ءومىر جولىن تاڭداۋ» ايدارىمەن توپتاستىرىلعان ءبىرىنشى تاراۋ عالىمنىڭ بالالىق شاعىنان سىر تارقاتادى. قانىش ءساتباەۆ جەزقازعان مىس ءجانە بايقوڭىر كومىر كەنى ورنىندا العاشقى تۇراقتى بارلاۋ جۇمىسىن ۇيىمداستىردى. ول ءبۇكىل جەزقازعان- ۇلىتاۋ اۋدانىنداعى پايدالى كەن ورىندارىنىڭ قورىن جوسپارلى تۇردە انىقتاۋ ءىسىن جولعا قويىپ, الەمدەگى ءۇش ءىرى مىس كەنى ورنىنىڭ ءبىرى – ۇلىتاۋ-جەزقازعان مىس كەنى كوزىن اشتى.
كورمە ەكسپوزيتسياسىندا كوپشىلىك نازارىندا عالىمنىڭ ەڭبەكتەرى, قايتا باسىلعان «الگەبرا وقۋلىعى», مەملەكەتتىك مۋزەي قورىندا ساقتالعان جەكە زاتتارى ۇسىنىلدى.
بۇگىندە ايگىلى عالىم, عىلىم سالاسىنىڭ ۇيىمداستىرۋشىسى, بىلىكتى مامان, ءوز حالقىنىڭ ناعىز جاناشىرى, ۇلتجاندى قانىش يمانتاي ۇلىنىڭ ەسىمى قاراعاندى وبلىسىنداعى ءساتباەۆ قالاسىنا, بىرقاتار مينەرالدار, مۇزدىق, تاۋ شىڭدارى مەن گۇلدەرگە بەرىلدى. ق.ي.ساتباەۆ اتىنداعى سىيلىق جانە ستيپەنديالار جاريالانعان. كوك ءجۇزىندە ساتباەۆ جۇلدىزى دا جارقىرايدى.
ساپارباي پارمانقۇل, «ەgemen Qazaqstan» الماتى